Popular Bible Verses from San Mateo 16

Share

Kemaj Jesús okinmijlij on inomachtijkauan*: —Tla yakaj kineki nouan yas, ma kelkaua nochi on tlen más kitlajsojtla, ma nemi listo para tlajyouis noso mikis nopampa, niman kemaj ma uajla nouan.

Niman nejua nimitsijlia ika tejua tiPedro yejuan kijtosneki “tetl”, pampa tejua otikpantlantij on tlen melauak. Niman ipan on tlen melauak nikchiuas para nechneltokaskej. Niman ipoder on mikilistli xkaman uelis kintlanis.

Niman nimitsmakas illaves on kampa Dios tlamandaroua. On tlen tejua xtiktekauilis ma nochiua nikan ipan in tlaltikpaktli, Dios ne iluikak no xkitekauilis ma nochiua. Niman on tlen tejua tiktekauilis ma nochiua nikan ipan in tlaltikpaktli Dios ne iluikak no ijki kitekauilis ma nochiua.

Ijkin nemechijlia pampa yejuan kinekis kimakixtis inemilis ipan in tlaltikpaktli, kipolos ialma, pero yejuan san nopampa kipolos inemilis ipan in tlaltikpaktli, yejua kiselis nemilistli para ialma.

Tej, ¿tlinon ika kipaleuis sen tlakatl, tla yejua kinoyaxkatis* nochi tlen onkaj ipan in tlaltikpaktli niman kipolos ialma? Xitlaj ika kipaleuis, pampa xitlaj* onkaj yejuan sen tlakatl uelis ika kitlaxtlauas ialma.

Kemaj Jesús okinmijlij: —Niman nemejuamej, ¿ken nenkijtouaj akin nejua? Kemaj, Simón Pedro okijlij: —Tejua tiCristo yejuan Dios okitlapejpenij para temakixtis. Tejua tiiKonetsin Dios yejuan melauak nemi.

Jesús okijlij: —Dios yomitstiochiu tejua Simón, yejuan ikoneu Jonás, pampa xakaj tlakatl mitsijlia ika nejua niCristo yejuan Dios onechtlapejpenij para nitemakixtis. Yej noTajtsin iluikak chanej* yejua omitsmachistij.