Popular Bible Verses from San Juan 15

Share

Nejua ken sen itemekayo on uvas niman nemejuamej ken nennomatsitsiuan. Xitlaj uelis nenkichiuaskej tla xnennemiskej nouan. On yejuan nochipa nemis nouan niman nochipa ninemis iuan kipiyas miyek itlakijlo.

Nochipa xnemikan nouan, niman nejua nochipa ninemis nemouan. Tla xnennemiskej nouan, xuelis nentlakiskej sano ijki ken imatsitsiuan on uvas xueliskej tlakiskej tla xonkaj ipan itemekayo.

’Tla nemejuamej nennemiskej nouan niman nenkejeuaskej notlajtol ipan nemoyojlo, nenueliskej nentlajtlaniskej san tlen nenkinekiskej, niman noTajtsin mechmakas.

Nemejuamej xonennechtlapejpenijkej, yej nejua onemechtlapejpenij niman onemechtlalij ipan notekiu para xuiyan niman xpiyakan miyek tlakyotl yejuan nokauas para nochipa. Kemaj noTajtsin mechmakas nochi tlen nenkitlajtlaniliskej ikan notokatsin.

On más ueyi tetlajsojtlalistli* yejuan se uelis kipiyas para itlajsojkaikniuan*, tla san impampa mikis.

Yejua kiteki nochi nomatsitsiuan yejuan xtlakij, pero kitlakuijkuilia niman kichipaua on nomatsitsiuan yejuan tlakij para más ma tlakikan.

In yejua notlanauatil: Xmotlajsojtlakan iuan oksekimej ijkon ken nejua nemechtlajsojtla*.

Ijkuak nemejuamej nenkipiyaj miyek tlakyotl, noTajtsin kiselia ueyilistli, niman ijki nenkiteititiaj ika nemejuamej melauak nennotemachtijkauan.

’Nejua niken melauak itemekayo* on uvas, niman noTajtsin ken on yejuan cuidaroua on uvas.

On yejuan xnochipa nemis nouan, kitekecheuaskej notech niman uakis ken sen kuamatli. Tla ijkon nochiuas on kuamatli yej kisentlaliaskej para kitlatiskej.

’Nejua ijkon nemechnojnotsa para nikpiyas paktli nemouan niman nemejuamej nemopakilis ajsitias.

Tla nenkitlakamatiskej notlanauatiluan, nemokauaskej ipan notetlajsojtlalis ijkon ken nejua niktlakamati itlanauatiluan noTajtsin niman ninokaua ipan itetlajsojtlalis*.

Yejua in tej, nemechnauatia: Xmotlajsojtlakan nemejuamej iuan oksekimej.

Tla nemejuamej nemouikaskiaj ken on tlaltikpaktlakamej yejuan xnechneltokaj, yejuamej mechtlajsojtlaskiaj* ken yejuamej notlajsojtlaj. Pero nejua onemechtlapejpenij intsajlan on tlaltikpaktlakamej. Yejua ika, on tlaltikpaktlakamej mechtlauelitaj pampa xok nemouikaj ken yejuamej.