Popular Bible Verses from San Marcos 5

Share

Sa̱kanꞌ te̱ ni̱ kaꞌa̱n Jesús xiinꞌ aꞌ ndii: ―Xa̱ ni̱ nda̱ꞌa̱ u̱nꞌ, pi̱a̱ꞌun, xaꞌa̱ꞌ ña̱ i̱ni̱ u̱nꞌ xini u̱nꞌ yuꞌu̱. Kuaꞌan te̱ Ndiosí na ta̱xi̱ ña̱ mani̱ꞌ ko̱o̱ xiinꞌ u̱nꞌ, sa̱kanꞌ ña̱ xa̱ ni̱ nda̱ꞌa̱ u̱nꞌ nuu̱ꞌ kuiꞌe̱ ña̱ ni̱ ndo̱ꞌo̱ u̱nꞌ ―ni̱ kachi̱ a̱.

Te̱ te̱i̱n ne̱ yivi̱ꞌ ja̱a̱nꞌ kaꞌni̱ i̱i̱n ñaꞌ ndoꞌoꞌ kuiꞌe̱ níiꞌ, te̱ xa̱ uxi̱ uvi̱ kuiya̱ kuaꞌa̱n ña̱ ndoꞌoꞌ aꞌ kuiꞌe̱ ja̱a̱nꞌ. Te̱ xa̱ kuaꞌa̱ꞌ va̱ ni̱ ndo̱ꞌo̱ aꞌ nda̱ꞌaꞌ kuaꞌa̱ꞌ te̱ tatanꞌ. Te̱ ni̱ ndi̱ꞌi̱ ndo̱o̱ xu̱ꞌunꞌ aꞌ ni̱ xa̱ꞌni̱ꞌ aꞌ xaꞌa̱ꞌ kuiꞌe̱ ja̱a̱nꞌ. Ndisu̱ süu̱ꞌ so̱ꞌo̱ ndaꞌa aꞌ, süu̱ꞌ ja̱a̱nꞌ ndii so̱ꞌo̱ kundieeꞌ ka̱ kuiꞌe̱ ja̱a̱nꞌ xiinꞌ aꞌ.

Te̱ kii̱ꞌ ni̱ tondi̱a̱ nda̱ꞌaꞌ aꞌ toto̱ a̱ ndii, xa̱ numi̱ꞌ sa̱kanꞌ, te̱ ni̱ xi̱kuii̱n ña̱ꞌaꞌ níiꞌ ja̱a̱nꞌ. Te̱ ni̱ xi̱ni̱ aꞌ ndii, ni̱ ki̱e̱e̱ ña̱ꞌaꞌ kuiꞌe̱ ja̱a̱nꞌ.

Sa̱kanꞌ te̱ ni̱ ti̱i̱n a̱ nda̱ꞌaꞌ ñaꞌ sie ja̱a̱nꞌ, te̱ ni̱ kaꞌa̱n a̱ xiinꞌ aꞌ ndii: ―Talita, cumi ―ni̱ kachi̱ a̱. Tu̱ꞌu̱n ja̱a̱nꞌ kuni kachi ndii: Ñaꞌ sie, xiinꞌ yoꞌó kaꞌán i̱, ndo̱koo̱ u̱nꞌ.

Kii̱ꞌ kusaaꞌ kaꞌán ka̱ Jesús xiinꞌ ñaꞌ ja̱a̱nꞌ ndii, ni̱ nde̱kui̱e̱ i̱i̱n uvi̱ te̱ ni̱ ki̱e̱e̱ vi̱ꞌe̱ Jairo, te̱ xaꞌndia chuunꞌ ja̱a̱nꞌ, te̱ ni̱ kaꞌa̱n ra̱ xiinꞌ Jairo ja̱a̱nꞌ ndii: ―Tákuiꞌe, xa̱ ni̱ ndo̱ñuꞌuꞌ ndi̱ꞌi̱ ñaꞌ siꞌe̱ u̱nꞌ. Sä̱ta̱ñaꞌa̱ꞌ ka̱ u̱nꞌ nuu̱ꞌ maestro ñaa̱ꞌ ―ni̱ kachi̱ ra̱. Te̱ Jesús ndii, ni̱ xi̱ni̱ so̱ꞌo̱ a̱ ña̱ ni̱ kaꞌa̱n te̱ ja̱a̱nꞌ, ndisu̱ ni̱ kaꞌa̱n a̱ xiinꞌ Jairo ndii: ―Kä̱ka̱ nimá u̱nꞌ, i̱ni̱ kui̱ti̱ꞌ u̱nꞌ ku̱ni̱ u̱nꞌ yuꞌu̱ ―ni̱ kachi̱ a̱.

Ni̱ kaꞌa̱n ra̱ sa̱kanꞌ xiinꞌ a̱ sa̱kanꞌ ña̱ xa̱ ni̱ kaꞌa̱n chuunꞌ a̱ xiinꞌ ña̱ ndi̱va̱ꞌa̱ ja̱a̱nꞌ ndii: ―Ña̱ ndi̱va̱ꞌa̱, kuan ke̱ta̱ nimá te̱ yivi̱ꞌ ñaa̱ꞌ ―ni̱ kachi̱ a̱. Te̱ ni̱ nda̱tuꞌu̱nꞌ ña̱ꞌaꞌ Jesús ndii: ―¿Sa̱a̱ na̱niꞌ yoꞌó? ―ni̱ kachi̱ a̱. Sa̱kanꞌ te̱ ni̱ kaꞌa̱n ra̱ xiinꞌ a̱ ndii: ―Legión na̱niꞌ i̱, sa̱kanꞌ ña̱ kuaꞌa̱ꞌ va̱ ndu̱ ―ni̱ kachi̱ ra̱.