Popular Bible Verses from San Lucas 9

Share

Te̱ ni̱ kaꞌa̱n tu̱ Jesús xiinꞌ sa̱kuuꞌ ne̱ ndieeꞌ ja̱a̱nꞌ ndii: ―Naaꞌ yo̱o̱ ka̱ kuni ku̱ndiku̱n i̱chiꞌ yuꞌu̱ ndii, kuní a̱ ña̱ na̱ko̱o̱ ni̱a̱ ña̱ kuní mi̱iꞌ ni̱a̱, te̱ na ko̱o̱ tu̱ꞌva̱ tu̱ ni̱a̱ te̱ ku̱ndo̱ꞌo̱ ni̱a̱ i̱ꞌi̱n kivi̱ꞌ kuaꞌa̱n nde̱e̱ naa ku̱ndo̱ꞌo̱ i̱ nuu̱ꞌ krusín, te̱ ku̱ndiku̱n ni̱a̱ yuꞌu̱.

Kua̱chi̱ ndii, yo̱o̱ ka̱ kuni sa̱kakú xiinꞌ miiꞌ mi̱iꞌ ndii, ku̱vi̱ ni̱a̱. Ndisu̱ yo̱o̱ ka̱ taxiꞌ kivi̱ꞌ ñu̱u̱ ni̱a̱ xaꞌa̱ꞌ i̱chiꞌ yuꞌu̱ ndii, na̱ti̱i̱n ni̱a̱ kivi̱ꞌ ñu̱u̱ ña̱ kö̱o̱ꞌ kivi̱ꞌ ndiꞌiꞌ.

Sa̱kanꞌ te̱ ni̱ kaꞌa̱n a̱ xiinꞌ te̱ ja̱a̱nꞌ ndii: ―Nde̱e̱ i̱i̱n te̱ natiinꞌ xaꞌa̱ꞌ tunꞌ yata̱ꞌ taꞌviꞌ ñu̱ꞌuꞌ, naaꞌ xitoꞌ xata̱ꞌ ra̱ kuaꞌa̱n ra̱ ndii, vä̱ꞌa̱ ra̱ ta̱ꞌviꞌ ñu̱ꞌuꞌ. Sa̱kanꞌ tu̱ nduuꞌ a̱ xiinꞌ ne̱ xikundikún i̱chiꞌ yuꞌu̱ naaꞌ xitoꞌ xata̱ꞌ ni̱a̱ nuu̱ꞌ ña̱ yooꞌ i̱i̱n yivi̱ꞌ ndii, vä̱ꞌa̱ ni̱a̱ ko̱ꞌni̱ ne̱ yivi̱ꞌ, te̱ ka̱ꞌndi̱a̱ chuunꞌ Ndiosí nimá ni̱a̱ ―ni̱ kachi̱ a̱.

Te̱ kuä̱sa̱ꞌ kuní tu̱ kivi̱ꞌ ñu̱u̱ i̱i̱n ne̱ yivi̱ꞌ naaꞌ ka̱nando ni̱a̱ sa̱kuuꞌ ña̱ꞌa̱ ña̱ yoo i̱i̱n yivi̱ꞌ, te̱ ku̱vi̱ ni̱a̱ nuu̱ꞌ Ndiosí.

Te̱ yo̱o̱ ka̱ kuchani xaꞌa̱ꞌ yuꞌu̱ xiinꞌ xaꞌa̱ꞌ tu̱ꞌu̱n i̱ ndii, i̱i̱n kachi ku̱chani tu̱ yuꞌu̱, ña̱ nduuꞌ tu̱ te̱ yivi̱ꞌ, xaꞌa̱ꞌ ne̱ ja̱a̱nꞌ nuu̱ꞌ Ndiosí kii̱ꞌ ki̱xi̱n tu̱ku̱u̱ i̱ i̱i̱n yivi̱ꞌ xiinꞌ ña̱ ndi̱e̱eꞌ yu̱vaꞌ i̱ Ndiosí, xiinꞌ ña̱ ndi̱e̱eꞌ sa̱kuuꞌ ángele ña̱ xikaꞌ nuuꞌ nuu̱ꞌ a̱.

Te̱ ni̱ kaꞌa̱n a̱ xiinꞌ ra̱ ndii: ―I̱ngu̱i̱ ndii, yavi̱ riꞌ yoo, te̱ sa̱a̱, tiꞌ taꞌnuꞌ ndi̱viꞌ ndii, choꞌo̱ riꞌ yoo. Ndisu̱ yuꞌu̱, ña̱ nduuꞌ tu̱ te̱ yivi̱ꞌ ndii, nde̱e̱ miiꞌ na̱ndiee̱ꞌ i̱ kö̱o̱ꞌ vi̱ꞌ ―ni̱ kachi̱ a̱.

Te̱ ni̱ kaꞌa̱n a̱ xiinꞌ te̱ nda̱ꞌaꞌ xaꞌa̱ꞌ a̱ ja̱a̱nꞌ ndii: ―Yo̱o̱ ka̱ natiinꞌ i̱i̱n te̱ lulu yoꞌoꞌ xaꞌa̱ꞌ a̱ ña̱ nduuꞌ ra̱ kuenta i̱ ndii, yuꞌu̱ natiinꞌ ni̱a̱. Te̱ yo̱o̱ ka̱ natiinꞌ yuꞌu̱ ndii, natiinꞌ tu̱ ni̱a̱ ña̱ ni̱ ti̱a̱nu̱ꞌ yuꞌu̱. Sa̱kanꞌ ña̱ ne̱ kö̱o̱ꞌ nduuꞌ xa̱chiꞌ te̱i̱n ndo̱ꞌ ndii, ne̱ ja̱a̱nꞌ nduuꞌ ne̱ kaꞌnuꞌ ka̱ ―ni̱ kachi̱ a̱.