Popular Bible Verses from Joannostir 10

Share

Čhor jāvela feņu vašo dova, sobi čhorel, domārel te zgiņakirel. Me jāvdžom vašo dova, sobi dolenge jāl džīben te sāro‐so.

Me isom pastuhos lačo: lačo pastuhos dela pesko džīben vaše bakrenge.

Bakre Mīre šunena glos Mīri, te Me džinav len, te jone javena pal Mange.

Te Me dava lenge džīben bekoncoskīro, te nazgiņinena ņigdi; te nikon naviļela len Mīre vastendir.

Me isom udār: kon druh Mange zadžala, dova virakhelapes, te zadžala, te vidžala, te paščakirben lathela.

Me isom pastuhos lačo; te džinav Mīren, te Mīre džinen Man.

Dād Mīro, Sav len Man dija, barēdīr sarēndir te nikon našti vilel len Mīre Dādeskīre vastendir. Met te Dād isam — jek.

Sir Dād dzinel Man, jake Me džinav Dādes; te džīben Mīro dava vaše bakrenge.

Nikon naotlela Mandir les; ne Me Kokoro otdava les. Mange moca isi otdav les, te moca isi noko lav les. Da dopheniben Me dolijom Mīre Dādestir.

Te jake noko Iisusos phendža lenge: lašņes, lašņes rakirava tumenge, so Me udār isom bakrenge.

Zarakirdo pastuhos, lašņo nāni, koneske bakre nāni peskīre, te dikhela so jāvela ruv, te mukhela bakren, te nāšēla; te ruv rozšņikakirla bakren, te roztrādela len.

Lašņes, lašņes rakirava tumenge: kon nadžala druh udār ane bakrenge hļiva, ne ližini varthal, andre, dova isi čhor te rozboiņikos.