Popular Bible Verses from Nau Ntơm 49

Share

Mŏng tăk jra kađăch geh ta may nâng Rnoi deh may tay mra jêng kađăch mro mrăng N'ho ma tât truyh păng i geh nau dơi kuŏng nây Nđâp ma dâng lĕ phung bunuyh lam ntŭk iăt nau păng dadê.

Yôsep jêng tâm ban ma n'ging geh play ŏk N'ging geh play ŏk hon kêng meng n'hong dak N'ging păng prêh rlao mpêr ƀon ngăn. Phung rlăng tâm lơh đah păng Bu pănh păng ma na

Yơn ma Yôsep hôm dăng rlao Păng hôm dăng ngăn, yor ma geh nau dơi Kôranh Brah i gâp yơk mbah. Kôranh Brah dŭt geh nau dơi ngăn, mâu geh ôh bunuyh dơi đŏng. Kôranh Brah mât uănh phung Israel, tâm ban ma nơm chiăp mpômpa (siŭm) phung. Kôranh Brah dŭt nâp ma kơl njrăng, tâm ban ma lŭ klêr mâu ôh dơi n'gơ. Kôranh Brah i brah gâp yơk mbah mra kơl may Kôranh Brah nơm i dŭt geh nau dơi mra ăn nau geh jêng ma may Păng mra ăn geh dak mih ma may Păng mra ăn geh dak lôh tă bơh dŏng su ma may Ndrel ma ăn may geh kon ŏk, nđâp ma geh mpômpa (siŭm) ŏk đŏng.

Ơ Yuđa, oh nô may mra rnê may dadê ngăn May tay dơi lơh đah phung rlăng ma may Oh nô may tay păn yơk ma may dadê. Ơ Yuđa kon gâp, may jêng tâm ban ma kon yao mŭr Sât hơm bơh kăp sa mpômpa (siŭm) May tâm ban ma yao mŭr i păn nsan May tâm ban ma yao mŭr i bêch, mâu geh ôh bunuyh bănh rkhuak.

Ơ Rupên, may jêng kon bôk dak gâp Gâp bă may lor bu dôl gâp geh suan dŭt dăng May bu lư rlao bu, ndrel ma geh nau dơi rlao bu đŏng. May dăng tâm ban ma dak rbuh, mâu ôh dơi ăt dơi rdâng, tih ma may mâu ôh jan bôk Yorlah may hao kalơ gre gâp May bêch ndrel ma ur gâp, jan ăn gre gâp ar.