Popular Bible Verses from Lizsij dih Gaihcij 26

Share

Hijsaj daengz Gihlah'wj le, Yehhozvaz caiq naeuz: “Mwngz camqciz sien youq dineix youq ndaej lo. Hauhnaeuz mwngz dingq gou, youq mwnqneix youq, gou couh caeuq mwngz youq, caiq soengq fuk hawj mwngz. Gou ij hengz gaxgonq gou caeuq daxboh mwngz Yaqbwzlahhanj soj baujcingq hih, couh dwg ij dawz manx dieg neix cungj soengq hawj mwngz caeuq gyoengq lwglwg lanlan laenjlaenj mwngz

hawj doengh daih gajlaeng mwngz fat ndaej lai luj gij ndaundeiq gwnzmbwn, caemh dawz mwnqneix sojmiz dih dieg soengq hawj gyoengqde. Lajmbwn gak aen minzcuz dih vunz cungj dwg dajlaeng doengh daih gajlaeng mwngz hih boux he ndaej miz fuk, aenvih Yaqbwzlahhanj gig naeuzdingq; de dingq gij vah gou. Gou raengq de, mingqlingq de gijmaz, de cungj dingq, caemh soenhsouj doenghgij fazliz gou.”

Couh vih yienghneix, Hijsaj couh bae daixlingh mwnq, caemhcaiq vat aen cingj he. Mbat neix gyoengqde mij daeuj vih aen cingj neix hwj doxceng lo. Yiengq Hijsaj couh naeuz: “Mbat neix Yehhozvaz soengq hawj raeuz gvangq yubyub dih dieg; baezneix raeuz ij fatdad lailai hwj hwngqhwngq seiqseiq bae.” De couh an aen cingj neix heuh Liqhozbwz. (‘Liqhozbwz’ couh dwg ‘gvangq yubyub dih dieg’ dih iqswh.)

Yienzlaiz Yehhozvaz caemh yienh hawj Hijsaj raen, raengq de naeuz goq: “Mwngz gaej bae Ngaihgiz lo; bae mwnq dieg gou ij hawj mwngz youq he hax.”

Gajlaeng, Hijsaj couh youq mwnq caeb aen daiz dajbwiz he hwj haenh Yehhozvaz, gingqbaiq Yehhozvaz. De caemh youq mwnq dap bungz hwj youq, gyoengq hoiq de caemhcaiq youq mwnq vat aen cingj he.