Yaqnaznizyaq dingq Yehsuh yienghneix naeuz le, couh ciuq de gangj hih yienghmwnq bae guh lo. De couh haeuj bae daengz aen ranz Youzdaq, couh oemj fawz hawj Saujloz, doiq de naeuz: “Saujloz beixnuengx hax, mwh mwngz daeuj dineix hih mwhde, youq dangjroen yienh hawj mwngz raen dih Yehsuh Bouxcawj hax, de baij gou daeuj, hawj gou daeuj hawj mwngz dauqyungz yawj ndaej raen, vanzlij hawj Hoenzsaenz Cangqdiq hawj mwngz rim bae.” Yaqnaznizyaq yienghneix doiq Saujloz naeuz le, cehra Saujloz couh doq miz ndaek gij luj gyaepbya he daj cehra de doek okdaeuj, yiengq cehra de couh doq yawj ndaej raen boiz lo. Yawj ndaej raen le, de couh sijlij lo.