Popular Bible Verses from San Marcos 2

Share

Kua̱ꞌ Jesús inó̱n kikaguiꞌ, kijtoj: —Yej ye̱ktitokej ayá̱ꞌ kinekij yej taachitialtiá, yej we̱titokej, kena kinekij. Nej ayá̱ꞌ niwa̱laj nikte̱mo̱ko yej ye̱ꞌnemij. Nikte̱mo̱ko yej kichi̱waj yej aye̱kti.

Eꞌ kua̱ꞌ Jesús kitaꞌ kén iga moconfia̱rowa̱yaj ipan yéj, kijlij yej we̱titoya: —Nopíj, nochi yej tikchij yej aye̱kti, nimitze̱lka̱wiliaya.

Iwá̱n Jesús no̱ kijtoj: —Dios achto kichij ta̱gaꞌ, después kitekimáꞌ iga mamose̱wi se̱ día; inó̱n kijto̱jneki iga ta̱gaꞌ má̱j importante que día kua̱ꞌ mose̱wilo.

Eꞌ kua̱ꞌ kitakej iga awel kalakij ka̱n onoꞌ Jesús iga poxsan onolo̱ꞌ kalijtiꞌ, tajta̱gaꞌ kixiti̱nkej alí̱n ipetayo kajli ka̱n kimatiáj iga onoꞌ Jesús, iwá̱n ompa kipi̱pilojtitemowijkej ipan itapech in inó̱n yej awel nejnemi.

A̱n sí, nia nimitzne̱xtili̱tij iga nej yej iPiltzi̱n Ta̱gaꞌ, ipan iní̱n ta̱jli wel nike̱lka̱wiliá yej se̱ kichi̱wa yej aye̱kti. Iwá̱n Jesús kijlij yej awel nejnemi: —Tej nimitzijliá, ximoketza, xikui motapech, iwá̱n xaja mocha̱n.

¿Kén má̱j wel manikijli iní̱n yej awel nejnemi? ¿Ix manikijli: “Nochi yej tikchij yej aye̱kti nimitze̱lka̱wílija”, o manikijli: “Ximoketza, xikui motapech, iwá̱n xaja”?

Iwá̱n inó̱n yej awel nejnemi íkua̱ꞌya moketzaꞌ, kikuiꞌ itapech, iwá̱n ki̱ste̱waꞌ iyi̱xtaj nochi yej ompa onoyaj. Iwá̱n ino̱mej san tajtachi̱xtikajkej, iwá̱n ijkí̱n kijtojkej iga kiweyimati̱ltijkej Dios: —¡Ayí̱ꞌ ijkí̱n tikitaj!