Popular Bible Verses from Marcos 14

Share

Ko ndachro ndo: ―Jaꞌanta Ndotána. Jaꞌanta chondanta kain juachaxin ko tjanchaꞌanta ixi tsatsingaꞌi janꞌan juachjaon jiꞌi. Ko tsoenꞌa xranchi janꞌan tjaꞌon. Naꞌi, tsonꞌen xranchi jaꞌanta tjaunnta.

Jai xingamaꞌanta ko nichjeꞌenta ndo Dio ixi tsajonꞌa ndo juachaxin ixi Xixronꞌanxrée sintayaꞌanta xa. Espírituanta tjée ndo Dio ko ntauꞌanta sojiꞌa.

Nduaxin ndachrja̱n ixi kain ti no tsinꞌen na̱ chijni jian, nchijíi ngataꞌa nche tsinꞌen na̱ kaxon ngeꞌe juincheꞌe nchri jiꞌi, ko xroxraxaon na̱ nchra ixi jaña juincheꞌe nchra.

Ko ndache ndo sen: ―Tsango koniꞌe aséenna ixi kain ngeꞌe tsónna. Ntiꞌó tituanꞌanta, tarichrinꞌanta.

Ko stene sen, ndo Jesús kua ndo naa nutja, ko kuajon ndo juasaya ngajin ndo Dio. Ko tjumeꞌe konchrinjin ndo nutja ko konchjeyeꞌe ndo sen. Ko ndachro ndo: ―Intenta, jiꞌi cuerpona.

Ko kaxon kua ndo naa vaso ko kuajon ndo juasaya ngajin ndo Dio ko chjée ndo sen ko kain sen kuiꞌi sen. Tjumeꞌe ndachro ndo: ―Jiꞌi jnina chronga ixi nduaxin tsaxi tsituanꞌan naa ley natjúá ícha tjintee, jnina tsintji jni̱ ixi tsitjáñaxin ijie̱ chónda kain chujni.

Ko ndo Jesús ndachro ndo: ―Tiie jai kainnta tsintunaninta ko tsonꞌen xranchi ndachro xroon chijnie ndo Dio: “Naatsóñaxón na̱ sen tingatjia kutuchjon, ko jeꞌe ba xrochjekeꞌe ba.”

Tingatjennta sachjina ixi ó jiti̱i̱ ngisen sinchekjina.

Ko ndachro ndo Jesús: ―Nduaxin xrontatjua ixi jai tiie xrajeꞌa yuu xrotsje̱ kuntaxichíká, jaꞌa níi xrondachrua ixi chuxinꞌana.