Popular Bible Verses from San Lucas 8

Share

Ko tse̱e̱ kuitsinga ti inche indá xrondachro ngisen tayéꞌe chijnie ndo Dio ngaxinꞌin aséen na̱ ko titikaon na̱ ti ndachro ndo ko soji tjintee na̱.

Tse̱e̱ kuitsinga ngataꞌa nta̱chaꞌa meꞌe xrondachro ngisen tinꞌen chijnie ndo Dio ko hora satji na̱ tjáñeꞌe na̱ ngeꞌe kuinꞌen na̱ ixi yaa na̱ juachjauen tomi ko ícha tjueꞌe na̱ ti juaxruxin, ko ncheꞌa na̱ ti tjaun ndo Dio.

Tse̱e̱ kuitsinga ti jii ixro meꞌe xrondachro ngisen kuinꞌen chijnie ndo Dio ko bakeꞌe na̱ juaxruxin, ko séꞌa kuitikaon na̱ ixi kui̱i̱ juachjaon ko ngaxiton na̱.

Ko ndo Jesús ndache ndo sen: ―¿Sonda chuntiaꞌintana? Ko jeꞌe sen xronka sen ko ndastetsjeko sen ko stendache kichuu sen: ―¿Ngisen jiꞌi ixi tetuenꞌen ndo chrinto soji ko inda, ko jeꞌe inda ko chrinto titikaon?

Tse̱e̱ kuitsinga ngandeꞌe chaꞌo meꞌe xrondachro ngisen tinꞌen chijnie ndo Dio. Ko Xixronꞌanxrée nchetjáñajin xa na̱ ko titikaonꞌa na̱, méxin, tsitjáña na̱.

*Xroꞌan ngeꞌe jimá tsonoxinꞌa, ko xroꞌan ngeꞌe imao tsonoaꞌani inaa nchakon ixi kain ngeꞌe tsonoxixin ixi xroꞌi.

Ko nchri meꞌe bikon nchra konoꞌe ndo Jesús, ko konchjiñeꞌe nchra ti jii ndo ko jixranga nchra ko xrakon nchra, ko bakeꞌexin ntatuchiꞌin nchra tutée ndo Jesús. Ko ngatoxin ikon kain ni ste ntiꞌa ndachro nchra xranchi itsé nchra mantoe ndo Jesús ko xranchi tuinxin koxruenꞌen nchra. Ko tjumeꞌe ndo Jesús ndache ndo nchra: ―Jaꞌa koxruanꞌan ixi chuntiana. Jai juaxruxin satjia.

Ko konchjiñeꞌe sen ti jii ndo ko juinchexingameꞌe sen ndo ko ndache sen ndo: ―¡Maestro, Maestro! ¡Tsenꞌenna ixi xrojamangi nta̱a̱ steyána ko xrokjoi̱nna inda! Ko jeꞌe ndo bingatjen ndo ko kuyakutee ndo chrinto ko inda ko tuinxin ndabakeꞌe nda.