Popular Bible Verses from San Lucas 4

Share

Espíritue ndo Dio jii ngataꞌana, ko kuayáꞌa̱ juachaxin xronichja chijnie ndo tsayéꞌe ni nóa. Xruanꞌanna ndo ixi sintaxruanꞌan ni tangi ste, ko tsantsje jíee ni stejeꞌe̱, ko sintaxruanꞌan ni tikonꞌa; ko tsingijna ni stechrua, ko xrontatjan na̱ ixi kui̱i̱ nchakon tsingijna na̱ ndo Dio ko tsantsje ndo ijie̱ chónda na̱.

Ko juatingíexin ndo Jesús ko ndachro ndo: ―Tingaxintuan satjia, Xixronꞌanxrée jaꞌa. Ndachro chijnie ndo Dio: “Tsájuan juasaya ngajin Ncháa ndo Dio, ko jeꞌo ngajin jeꞌe ndo sincheꞌé ixra̱.”

Ko juatingíexin ndo Jesús ko ndachro ndo: ―Ndachro xroon jitaxin chijnie ndo Dio: “Jeꞌa jeꞌo nutja tsechónxin chujni. Kaxon ixi chijnie ndo Dio tsechónxin na̱.”

Ndo Jesús tsango chónda ndo juachaxien Espíritue ndo Dio, ko tjumeꞌe kjanxin ndo ti jii inda jitinga ndatinꞌin Jordán. Ko Espíritue ndo Dio bikao ndo ntajie.

Ko ndo Jesús juatingíexin ndo ndachro ndo: ―Kaxon ndachro chijnie ndo Dio: “Tsakéꞌa naa ngeꞌe ixi tsikuan á chao sincheꞌe ndo.”

Ko Xixronꞌanxrée juaꞌi juincheyeꞌe xa ndo Jesús, ko jeꞌe xa sajuixin xa ti ndo Jesús kaxin nchakon.

Ko tjumeꞌe Xixronꞌanxrée bikao xa ndo Jesús ngataꞌa naa ijna̱ ícha nui ko juakoꞌe xa ndo kain tjajna jii ngataꞌa nunte. Ko ndachro Xixronꞌanxrée: ―Janꞌan xrotjáꞌa juachaxin ko kain ti tjintee chónda kain tjajna ixi janꞌan kuayáꞌa̱ kain jiꞌi, ko chao xrotjáꞌa kain jiꞌi ngajin ngisen janꞌan tjaꞌon. Méxin siá jaꞌa tsakeꞌexian ntatuchiꞌian ko xrochjána juasaya, kain jiꞌi tsayeꞌé. Ko juatingíexin ndo Jesús ko ndachro ndo: ―Tingaxintuan satjia, Xixronꞌanxrée jaꞌa. Ndachro chijnie ndo Dio: “Tsájuan juasaya ngajin Ncháa ndo Dio, ko jeꞌo ngajin jeꞌe ndo sincheꞌé ixra̱.”

Ko tjumeꞌe Xixronꞌanxrée bikao xa ndo Jesús tjajna Jerusalén, ko juinchekajinꞌin xa ndo ti ícha nui ngataꞌa niꞌngo ko ndachro xa: ―Siá nduaxin jaꞌa chjenꞌen ndo Dio, chrinka ti nunte; ixi ndachro chijnie ndo Dio: Ndo Dio tsetuenꞌen ndo sen ángel ixi xrotsengia sen, ko ngaya itja sen tsakeꞌe, ixi tsontengíxinꞌa tutáa ixro. Ko ndo Jesús juatingíexin ndo ndachro ndo: ―Kaxon ndachro chijnie ndo Dio: “Tsakéꞌa naa ngeꞌe ixi tsikuan á chao sincheꞌe ndo.”