Popular Bible Verses from San Lucas 11

Share

Méxin, siá jaꞌanta maski jianꞌinta noꞌanta chje̱ꞌénta chjanꞌanta ngeꞌe jian, ¡ícha Ndotáina ndo Dio jii ngajní tsajon ndo Espíritue ndo ngajin sen tsjancheꞌe ndo!

Méxin, janꞌan ntatjunta: Tjanchianta ko ndo Dio tsajon ndo; tjéenta ngeꞌe ko tsinchíinta; tinganta nta̱chja, ko tsantjeꞌe ndo.

Ixi ngisen tjanchia ngeꞌe, tsayéꞌe sen; ko ngisen tjée, sen meꞌe tsitja sen; ko ngisen tinga nta̱chja, xitjeꞌe̱ nta̱chja.

Ko ndachro ndo Jesús: ―Nchakon nichjeꞌenta ndo Dio, ndachronta: Ndotáina Dio ritjennta ngajní, tsango tjúá jaꞌanta. Jaꞌanta tetuanꞌannta ngajinna. Ncheꞌenta xranchi tjaunnta ngataꞌa nunte ntiꞌi, xranchi ncheꞌenta ngajní.

Ko ncheméꞌenta kain ti ndakoꞌa ntaꞌana, xranchi janꞌanna tjáñana̱na ti ndakoꞌa juinchena̱na na̱. Tájonꞌanta juachaxin ngajin Xixronꞌanxrée ixi sincheꞌe xa tsitexinna ti ndakoꞌa.

Ko jaꞌanta tájonnta nutja sinena kain nchakon.

Jaña ikonni xranchi naa xroꞌi tingasáña cuerpoeni. Méxin, siá jian ikonnta, kaxon nguixin cuerpoanta tingasáña. Ko siá naꞌi, jianꞌa ikonnta, kaxon nguixin cuerpoanta naxixeꞌe jii.

*’Xroꞌan ngisen tjaaka naa xroꞌi ko tsemá sen xroꞌi meꞌe, ko kaxon takeꞌa na̱ xroꞌi ngaxinꞌin naa nta̱a̱. Noi takeꞌe na̱ xroꞌi ixi kain ni tixinꞌin nchia tsikon na̱ ti tingasáña.