Popular Bible Verses from Mak 9

Share

Yesus ipe ihpah, “Yu uwonon, odosa Lapan kenon kipu sane ndre sulo‑on odo henuwii si ndramat ndre tadan bilip tih. Odoke ou ti opo bilip ndre pwi?”

Taman anah kuti isomwi Yesus sowin kopwi ihpah, “Yu upu bilip, odoke bilip todo ti mandra‑an pwi. Ehnuwii yu, kile pe bilip todo kile mandra‑an.”

Idu ndre omur, Yesus pe su lewen kopwi hodo lon um ti pe su hehndremte Yesus ihpa, “Ihpa kehe pe odu etndranon etndre‑as sinel kuti pwi tih?” Pe Yesus ipe ihpa, “Tapa surok kopwi kenon ki‑es su iy ihpa ndre kurtih. Handrai pe handrai yi ti indranon pwi.”

“Sol ti huyen, odoke uh kanyan ti kinum, eri ou we ahnan kanyan kihir yi ti kihpa kehe? Sol ti intawe kanyan song illa huyen, ile pe oduu yi ti edihir kihpa ndre sol huyen, pe etawe penuw kimin lenga’ oduu homou homou.”

“Si lau ndre kidawonon Yu pe kipu huyen kile ta homou kom ihpa ndre homou kudu, eri impo huyen ile Todo. Pe si ndre kipu huyen kile Todo, eri impo huyen ile tan Iy si ndre ihtakalan Yu use tih.”

Uh homou lau kihlingi ou kile hepe kangkahan wo odosa ou ti tan Kristus, eri Yu kupwe ndre ndrokone kile taduu, iy lau erti we kikuni ndre mbrunen.”

Yesus ipe lakopwi yi ihpah, “Iy si lau ndre kihnan pe homou nenkom kideketi odo bilip ile Todo, eri kimpahar. Kile huyen ti lehpe iy kindrahnan homou kom ti mapwi eri sa lau hehndrusi pat mandra‑an kile won pe hepiyen iy kile lon ndras. Odosa, pede‑en odo iy kihnan homou nenkom kideketi odo bilip ile Todo ti mandra‑an lakopwi.

Pe uh sih madam ti kirwi ou pe ou opo to‑ir, eri etluhtii pe epiyen ke‑eu. Kile huyen ti ou madam ke sih pe emin lon kapman to Lapan. Kihne ou madam ndre ruweh pe sa hepiyen ou ala hel.