Popular Bible Verses from Mak 12

Share

Yesus ipe ihpah, “Lo mandra‑an lakopwi ti kurtih: ‘Oduu Israel atahrung kehii. Lau Mandra‑an ti Iy homou kopwi, pe Iy Lapan ta tidu. Ahwasu‑um Lapan, pe eduwe ou ndre homou kile Tadan. Eduwe ndrinem, eduwe mulwim, eduwe palam, pe eduwe puko‑on tadam ndre sulo‑on kile ke ta Lapan.’ Lo ndre ise pahndran ti kutih: ‘Ahwasu‑um ndramat homou yi ti kihpa ndre ou wasu‑um ke ndre ou.’ Handrai Lo yi indre‑en pule‑en Lo ndre rundrei kuti pwi.”

Yesus iyuwen su disaipel Tadan hala pe ipe ihpah, “Yu kupwe kile ta oduu. Pedih mo‑on kuti ihluwen sa ndre sulo‑on odo tudou moni. Sa se ti hotou mandra‑an yi, odoke ta sa moni sulo‑on mapwi ilto. Pedih mo‑on kuti kopwi ti indretawe hendrek indrimin pwi. Mone‑en ndre sulo‑on odo sihsih anan song ti iy indrepiyen inna ofa.”

Yesus imandro imin ndruhun piyi moni odo omwen surok mandra‑an, pe inendre‑et sa lau halla pe hempiyi moni odo hehnuwii omwen surok ertih. Sa lau ta sa moni sulo‑on ti hala pe hempiyi moni mandra‑ane ile lon ndruhun moni. Pe pedih homou mbrulun indrimat, pe tadan sane pwi eri ile, pe ipiyen peni rundrik rama‑an ile.

Tidu tidehwaso‑o’ tidu Iy kile ndrine’ tidu, pe kile pala’ tidu, pe kile puko‑on ta tidu. Pe tidu tidehwaso‑o’ tidu su ndramat se yi, ihpa ndre tidu waso‑on ke ndre tidu tih. Lo ndre rundrei kuti here‑en pule‑en ofa handrai pe handrai ndre tidu tidempo tih.”

Eri pe Yesus ipe ile ta su ihpah, “Sane ta Sisar ti atawei kile ndre ta Sisar, pe sane ta Lapan ti atawei kile ndre ta Lapan.” Su hehrungi nolou Iy ipe ti pe hehretek pe hemesi‑iy.