Popular Bible Verses from Sa nga bé yôli'n 2

Share

Ye Pierre séé bé ke: Anh katyi amun nzuen'n man bé yô amun kwlakwlakwla amun baptême Jésus-Christ dunman nun, man Nyanmien yatyi sa nga an yôlii'n tye amun, ye o fe i Wawe'n man amun.

Bé fa bé bo Jésus sunmaan bé'n bé nde'n su kpa, bé tran aniaan tranle, bé di liké lika wle, bé nin Nyanmien bé kôkô yale tititi.

Nyanmien Wawe'n too bé su, o fa bé katyi i lie mlonmlon, kpekuun bé su kan anien ufle wié bo Wawe'n fa wla bé nuan ke bé kan'n.

Ke bé ti le'n, kpekuun bé ti liké kun ngan, o fin nyanmien su lo o kpla ke aunngban sa, o wluu sua nga bé ô nun'n, i nun. Béh niaanh… liké wié bo bé ti ke sin taaman sa'n bé ye, bé kpatyikpatyii nun bé trantran bé kwlaa bé ti su. Nyanmien Wawe'n too bé su, o fa bé katyi i lie mlonmlon, kpekuun bé su kan anien ufle wié bo Wawe'n fa wla bé nuan ke bé kan'n.

Ye tyen kwlaa bé bô ti kun bé yia Nyanmien sua dan'n nun, bé yô aklunyé, bé ko awlô'm bé nun bé di liké lika wle. Ke béh dih bé alie so'n, bé klun ti dyowa dan kpa, bé manman Nyanmien, bé wun yô swran'n kwlaa bé fe ye tyen kwlaa é Min Nyanmien'n fa bé bo bé fité nun'n uka bé su.

«Nyanmien waan: Anh nian, sa nga tyen wié lélé ke men'n oh koh i bué nuan'n, m ma yô'n ye: Nh fah n Wawe'n man swran'n kwlaa, Amun wa yasua nin amun mma mmla'm bé idyoh n nuan, Amun mma gbanflen'm béh wunh liké aôlia nun, Ye amun si ngbenngben'm bé tyenh lalie.

Bé kwlaa bo bé lafi Christ su'n, bé tran lika wle, bé gua bé ninngé'n kwlaa lika wle. Bé yô bé asie nin bé bô ninngé'm bé ate, bé fe i sika'n tye bé kwlakwlakwla, nan ba fa ti bé wun nyanman nun.

Ble so'n nun swran kwlaa ng'o fle I min'n ke o déé'n, oh fitéh nun.»

Wia'n katyih blé tuun, Ye anglô'n, kusu oh katyih ke mmôdya sa, I sin nan amun Min'n i tyen dan [bo bé ken i nde'n], wa dyu.