Popular Bible Verses from Ɔsɛnkafo 7

Share

Mma wo koma nsɔre ntɛmntɛm, na abufuw da nkwaseafo srɛ so.

Mmere pa mu, ma wʼani nnye; nanso mmere bɔne mu, hu sɛ Onyankopɔn na wayɛ ne nyinaa. Ɛno nti onipa rentumi nhu nea ɛbɛto no daakye.

Asɛm awiei ye sen ne mfiase, na ntoboase ye sen ahantan.

Onipa treneeni biara nni asase so a ɔyɛ papa na ɔnyɛ bɔne da.

Sɛnea nimdeɛ yɛ bammɔ no, saa ara na sika nso te; nanso nhumu ho ade a eye ne sɛ: nea ɔwɔ nimdeɛ no bɔ ne nkwa ho ban.

Din pa yɛ sen aduhuam papa, na owuda yɛ sen awoda.

Eye sɛ wobetie onyansafo animka sen sɛ wobetie nkwaseafo dwom.

Eye sɛ obi bɛkɔ ayi ase sen sɛ ɔbɛkɔ aponto ase, efisɛ owu yɛ onipa biara nkrabea na ɛsɛ sɛ ateasefo hyɛ eyi nsow.

Onyansafo koma wɔ ayi ase, nanso nkwaseafo koma wɔ ahosɛpɛwfo fi.