Popular Bible Verses from Daniel 6

Share

Na Daniel tee sɛ wɔde nsa ahyɛ mmara no ase no, ɔkɔɔ fie kɔhyɛn nʼabansoro dan a ne mfɛnsere anim kyerɛ Yerusalem no. Da biara obuu nkotodwe bɔɔ mpae mprɛnsa daa ne Nyankopɔn ase sɛnea ɔyɛ daa no.

Me Nyankopɔn somaa ne bɔfo bɛkataa gyata no ano, sɛnea wɔrentumi nyɛ me bɔne, efisɛ wahu sɛ, midi bem wɔ nʼanim. Na wo, Nana nso, menyɛɛ wo bɔne biara ɛ.”

“Mehyɛ mmara sɛ, ɛsɛ sɛ obiara a ɔwɔ mʼaheman mu suro, fɛre na ɔde nidi ma Daniel Nyankopɔn. “Ɔno na ɔyɛ Ɔteasefo Nyankopɔn na ɔwɔ hɔ daa. “Nʼahenni rensɛe da biara da. Na ne tumi to rentwa da. “Ɔyɛ amanehunu mu gyefo na ogye nkwa nso; ɔyɛ nsɛnkyerɛnne ne anwonwade, wɔ ɔsoro ne asase so. “Ɔno na wagye Daniel afi gyata no nsam.”

Ɔhene Dario hyɛe se, wɔnkɔfa Daniel, na wɔntow no nkyene gyata amoa no mu. Ɔhene no ka kyerɛɛ no se, “Daniel, ma wo Nyankopɔn a wosom no daa no, nnye wo.”