Popular Bible Verses from UGenesisi 13

Share

Lonke ilizwe olibonayo ngizalinika wena kanye lesizukulwane sakho okulaphakade.

UTHIXO wathi ku-Abhrama ngemva kokuba uLothi esesukile kuye, “Phakamisa amehlo akho asuke lapho okhona, ukhangele enhla leningizimu, empumalanga lentshonalanga.

Ngizakwenza isizukulwane sakho sibe njengothuli lomhlabathi, okokuthi nxa ekhona ongabala uthuli, lesizukulwane sakho sibe lokubalwa.

U-Abhrama wasesithi kuLothi, “Kasingalwi mina lawe, kumbe abelusi bakho labami ngoba siyizinini zegazi.

Ngakho u-Abhrama wathutha amathente akhe wahamba wayakwakha eduze kwezihlahla ezinkulu zikaMamure eHebhroni, lapho akhela khona UTHIXO i-alithari.

ULothi wakhangela wabona ukuthi lonke igceke laseJodani lalilamanzi amanengi, njengesivande SIKATHIXO, njengelizwe laseGibhithe kusiya eZowari. (Ngalesisikhathi UTHIXO wayengakabhubhisi iSodoma leGomora.)