Popular Bible Verses from Malako 9

Share

Yesu wumvutudila : —Enati wulenda ! Mambu moso malenda vangama kuidi woso mutu wilukidi !

Vana vawu dise di muana diyamikina : —Nguilukidi, wutsadisa mu kambu kuama ku minu.

Yesu bu kakota mu nzo, minlonguki miandi mieka kunyuvula va bawu veka : —A bila mbi beto tusi nunganga ko mu kuka pheve yoyo e ? Yesu wuba vutudila : —Pheve yi phila yayi yeti totukila kaka mu lusambulu.

Tsalu kima kimboti vayi ti yisiedi ko lueki, buna buevi lulenda vutudila diakalueki luandi e ? Diawu bika luba tsalu mu beno veka ayi zingilanganu mu ndembama beno na beno.

—Woso wunyakula muana lezi wuphila yayi mu dizina diama, minu kuandi kayakudi. Ayi woso mutu wundiakudi buna bika sia ti minu kaka kayakudi vayi yakudi diaka mutu wowo wuthuma.

Tala, bukiedika ndikulukamba : woso kuandi mutu wukuluvana banza ti kopoyi nlangu mu dizina diama bila luidi batu ba Klisto, kalendi zimbisa ko mfutu andi.

Ayi wubuela tuba ti : —Woso mutu wumbuisa mu masumu wumosi mu bana balezi baba betikunguilukila, bulutidi mboti bankanga, mu tsingu, ditadi dinneni diodi beti nikina zitheti bosi banloza mu mbu.

Enati dieso diaku dieti kubuisa mu masumu, buna dovula diawu bila mboti wukota mu Kipfumu ki Nzambi ayi dieso dimosi ayi mu lozo ku bulungi ayi meso muadi maduka