Popular Bible Verses from SAN MARCOS 11

Share

Xliyu klalhijunaw, wat'uch'ich'a t'ap'aynisk'inat'it, k'ak'iklak'a'it'iti li k'axt'a'nik'ana'it'it sawalh, walh k'axt'a'nik'ana'it'it sawalh.

Mu wa tichicha yu kajunilh ani a'stitawk'a: “K'a'ost'i, an alamalhch'a k'at'a'uchi'”, li kiklaka'iya chux la ixjalhunut chi li lhiwilayi an yu najun li kajuna, kajuna sawalh.

Ch'i akxni t'ap'ayniyat, k'amala'mixinit'iti xamati yu ta'ilhtuniyan tu'u tala'alhin, walh wachu katamala'mixiniyani mintala'alhink'an an mimPayk'an yu wilhchalh lakt'iyan. [

An Jesús alhtaylh juniy: ―K'ak'iklak'a'it'iti an Dios.

Tsukulhcha jamasuniy jajuniy: ―Mu ts'o'kanta an la ixchiwinti Dios tan najun: “Chux an lapanakni ta ixlijalhi'ay an lakamunulhpa an kincha'a katajuna putapaynin.” Walh uxitnan wa p'a'alhawnanatcha.

An yu ixtap'ulanan chi an yu astan ixtamintachalh ixtalakt'asaycha, ixtalaknajun: ―¡K'ajama'alht'axt'uncha chaway! ¡Oxi ani lapanak yu Dios makmintalh!

¡Oxi an minta lhich'alhkat, ixlich'alhkat kimpayk'an David! ¡Hosanna kanawkalhi an lakt'iyan!