Popular Bible Verses from SAN MATEO 27

Share

Ixjunt'ajuncha las tres yu ta'oxaycha, an Jesús p'asi chiwinilh, najun: ―Eli, Eli, ¿lama sabactani? ―nawputun: KiDios, kiDios, ¿t'asu li k'imak'a'unt'acha?

Pus akxni, an la'ch'it an yu ix'uk'alh laka tajtan, lht'it'in tapu'exli, aklht'uyi walh, talhmani pu'a'taynichalh ta'exa sta talaktsin. Chi an lakaat'un laklalhcha, an chiwx la'tapup'a'xli. Chi an tan ixlak'aknukan la'ta'a'mix'alh, pus ixluwk'an an yu ixtajakiklaka'inin yu ixtalaknitacha, tala'awcho'olh.

Walh an Jesús, a'tam p'asi chiwimpalh, ma'axta'lhicha an ixtakuwin.

An ixcapitank'an an soldadojnin chi an ali'in yu an ixtat'alhistakta an Jesús, sawalhcha talaktalhanalhi akxni tala'ts'ilhcha tacha an laktapasalh chi tacha an ixlaklay an lakaat'un, pus talajuniy: ―Sawalhi li ani isTs'alh Diosi ixjunita.

Chux an lakaat'un wanaj taputs'isi'olhi atunkuwcha walh sta las tres yu ta'oxaycha.

An Pilato jajuniy: ―¿Chi an Jesús yu unat'it li Cristo, tasicha ak'ilhtuya'a? Ixchuxk'ani tajun'olh: ―¡Kamakxtukmuk'akalhcha laka cruz! An Pilato jajuniy: ―¿Tasu'u, tisuncha tala'alhini ilhtuta? Pero yu'uncha palay p'as ixtalaknajun: ―¡Kamakxtukmuk'akalhcha laka cruz!