Popular Bible Verses from Matayi 28

Share

Po bukagha pakasi pa bantu aba inko zyosi nukubapela pakuba bamanyili bane. Mubozyanje mwitabwa ilya Tata, nilya Mwana nilya Muzimu Umuzelu. Mubamanyizyanje ukwivwila vyosi vivyo nabalamula, sona inkwiza pakuba namwe akabalilo kosi mupaka kubumalilo ubwa chisu ichapasi.”

U Yesu akapalamila nukubabuzya ukuti, “Napeghiwa ubulaghili bosi kumwanya na pasi pano.

Uwantumi yula akababuzya abakolo bala akati, “Mutakanyilaye. Inzimenye ukuti mukumulonda u Yesu, yuyo akakomeliwa pachipinjika. Atalimo muno, azyukite ukuyana na mumo akanenela. Zagha mwennye, ubuzilo bubo akalambalalaghapo bo ubu.

Po u Yesu akababuzya akati, “Mutakanyilaye. Kababuzye abakamu bane ukuti babukaye ku Galileya kuko bakwiza pakunyennya.”

Abaputi abasongo bakakomana na balongozi aba Chiyuda nukwivwana ichakubomba. Po bakababeka abasilikali ni ndalama inyinji nkani nukubabuzya ukuti, “Mutinji, ‘Abamanyili bache bakiza pabusiku nukwiba umuvimba wache bo tufuye nu tulo.’ Nanti umulaghili uwa Chiloma ivwa tukwiza pakumudeba ukuti mute ninongwa, po mutakapasyanje nachimo.” Po abalindilili abankondo bala bakapokela indalama nukubomba zizyo bakababuzya. Po ipangwi likasata mosi mu ba Yuda mupaka ilelo.