Popular Bible Verses from Luk 7

Share

Ana nevisa ruru van ko, nevisave sira nene, kiena mlamulena viowa moki pap̃isi, ana nepiewo make ga rui, kila narui naga sinena sii inu keviu pap̃isi. Ana nepisu yaru nap̃a kiena mlamulena viowa pe keviu re poli, nepiewoia, ana naga pe sinen sii manene inu re poli.” Ana Yesu pisa ruru m̃ena pa sira nap̃ani, pisa pania, sape “Kiom̃a mlamulena viowa la nap̃a ositom p̃ele ke ne, nepiewo make rui.”

Ana Yesu pisa si pa sira nene yam tai, pisape “Kiom̃a naviawaena kila otol natamaliaena rui. Ve ologe re si viowa, okilia ova narui, a sum̃are kiena ne Ntewa sike amio ko.”

Ana Yesu pelein ke sape kinana, ana sira nene pimi sum̃al su varaun lana, nap̃a wamarana mlau, kekapil pito ke e lana ne Yesu. Wamarana kee ke lana sanene, ana tar viluna la nap̃a piayavi ne, sum̃a miyumuvan ke lana Yesu, a naga pelan pipina komp̃asa te lana ne Yesu, a yokorena taron ponotaninu nap̃ani ea.

A sitomena nene kila naga pisu sane pe pon re m̃ena naga imi kate pum̃a poli, komin naga pe pe yere Yu re sane ko poli, ana naga pisa ga pisape, visae ovisa ga visena tai, yoko kiena yaru nene loge wo woga ne. Naga kilia sape monar ve sanene komin naga kilia sape kiom̃a visena naga nam̃areraena sike ea. Naga sape suri nene naga sane li na mara la nap̃a asike vatanonia, nap̃a la monar alogear kiena visena. Visae visa van tai, visave ‘Ovano,’ naga monar vano, pona visae visave ‘Oimi,’ naga monar imi, pona visae visave ‘Okila sanene,’ yoko naga monar kila. A naga m̃ena sape monar kila ya nap̃a pupia yerkawa nasumonen li na mara la pisa pania. Naga sape naga sitom sanene narui, visae ovisa ga sur tai, ana monar ve sanene.” Pogos nap̃a Yesu mloge visena nene, naga milan sitomen kiena ne nasumonen li na mara la nene pap̃isi, a kekaran pap̃isi, ana pis pa p̃ina la nap̃a asike amio e poglis nene, sape “Nevisa van amiu, nevisave pe nom̃al re nena yere Yu tai nap̃a sum̃al m̃arera se e in sane yar nene poli.”

Ana e nena e pogos nap̃a apim apiun naviunena nene, Yesu sum̃a kila ruru ke maiena lala a sum̃a pile plan ke yermare petan yeririna lala, a sum̃a kila ke kilamara p̃ala lala, kilamarala la pimi po sina, ana nalogena kiena ne Yoane la apisu sur la nene. Ana Yesu pisatam̃e la, pisape “Awasup̃e amiu si ava puna Yoane, ana avisawal sur ya nap̃a apisuia pona amloge e nini. Suri la nene asa ga nap̃a navisawalena Aisea pisa pan amiu rui, nap̃a sape: ‘Kilamarap̃ala lala, nanagane apisu si suri rui, a laulu lala nanagane amial ruru si rui, a yaru la nap̃a ap̃ar leperosi, nanagane tasnela la mekik ruru si rui, a kiligapop̃e lala, nanagane amloge si suri narui, a yar mare lala, nanagane amal si rui, a la nap̃a limala korena, nepisawal Lologena Wo pan la rui.’