Popular Bible Verses from Mar koq liq 6

Share

Awg yand u ve khuhn Yer suq awr lehr, “Nig hehd teq pa lar-oq. Heh pir khuhn chaw gawg kig huh ghad a cehax ca jehd-eg veg ser,” lehz i hehd haq koz vid che yaog. Awg lawn ghod ver, chaw kha peh yig yig lag lag te chehd cheaq te lehq, i hehd awr liz cad ma tand che yaog.

Yer suq i hehd haq koz vid che, “Ghig sa ve cuh kar var te ghad awr lehr, awg mig awg phond cawg che yaog. Kheh ma khuhd, a sug yawd chehd jaw kig, a sug yawd ved a vix a nax he lehq a sug yawd ved yehg awg khuhn awr lehr, awg mig awg phond mad cawg,” lehd koz che yaog.

Yer suq huh lawd kor khuhn tuhez che te yand, chaw awg mor nux haq gha mawg che yaog. I hehd awr lehr, yawg huhx var mad cawg che yawg teq pa haq sur cheaq te lehq, yawd i hehd haq har kax lehq awg lawn laex ceng mar vid che yaog.

Chehd har che chaw ted pehg pehar awg thag huh laq kuhr tar lehq ghu na vid che lehax ma hez ver, u huh kand pax ir che kanx awg kag awr ve haq yawd te maq gha. I hehd maq yonr vix cheaq te lehq, yawd and jad che yaog. U ve khaz nuhr, yawd te khaz peg te khaz lo kha sehax saw caw kae lehq bon mar vid che yaog.

Yer suq khaor mod u ve ngad dig he lehq ngad u ve niq kheh haq yug lar lehq, muhd nuh maq lo chid ngawx lehq bon haq chid muh che yaog. Khaor mod u ve haq yawd khehq peg lehq, chaw kheh ma ve mehz khuhd suhr huh ca chid teh vid tug, awg laq ghuhd teq pa haq pid che yaog. Ngad u ve niq kheh haq liz, chaw awg gha lia haq pehg vid che yaog. Awg yand u ve khuhn, chaw awg gha lia kha buhz gha cad che yaog. Kheh te lehq, cad lex ve khaor mod awg khehq he lehq ngad sar awg pez teq pa haq kawq ghawz che te yand, teq chi niq khuhr luhd kha peh ghad gha che yaog.