Popular Bible Verses from Mbụlembu 27

Share

Gẹ Chipfu shi l'imigwe kwaaru ngu iji; l'ọonu ngu ẹka mgboko kakọta ree; l'oomee g'i nweru nri yẹle mẹe nweru k'etsutsu iya. G'ọha, dụ igwerigwe jeru ngu ozi! Gẹ ndiphe phozejeru ngu! L'ịiburu onye a-bụru onye-ishi unwune ngu! G'ụnwu, ne ngu nwụtaru phozejeru ngu! Gẹ ndu tụru ngu ọnu bụkwaru ndu a tụru ọnu! Ndu gọru ọnu-ọma nụ ngu abụkwanuru ndu a gọru ọnu-ọma nụ!”

Ịso sụ: “Ọo ẹpho Jiékọpu, a gụru iya bẹ gbaru iya nụ. Ọwa-a kwewa mgbo labọ, ọ ghọ-gbutaru mu. Ọ natarụ mu ọkpara, mu bụ. Ọ bya nta-a bya anatafụa mu ọnu-ọma mu.” Ọ jịa nna iya sụ iya: “?To nwekpọdaa ọnu-ọma ono ọphu i doberu mu mẹ nanụ?”

Nna iya, bụ Áyizaku bya eyeeru iya ọnu sụ iya: “I tii budu l'ẹka mgboko kakọta ree; ọphu i budu l'ẹka Chipfu shi l'imigwe akwa iji. Ọo egbu mma bẹ ii-gude buru; tẹme nwune ngu bẹ ịi-nọdu ejeru ozi. Ọle a -nọnyakwanaa ọ dụ ngu ẹnyiru; L'iikwefuru iya ike; unu l'iya edokaha.”

Ịso nọdu epfukpọekwarupho nna iya sụ iya: “Nna; ti nwekpọdaa g'ọ ka mma l'ọo akpụru ọnu-ọma lanụ, ịi-gọru mu? Gọfunaaru mu ọnu-ọma; jikonu nna!” Ọ wata ara ẹkwa.