Popular Bible Verses from Makụ 6

Share

A ha l'igweligwe awụ abya, madzụ l'awụlewho abya, ndu eje, ndu alwa, nke ọwhu ụzo l'ẹte adụaru Jisọsu yẹle ndu l'etso ụzo iya, mbụnu m'ọo nke ria nri. Ọ sụ ndu l'etso ụzo iya: “Unu fụta t'anyi je l'ẹka madzụ l'ebua ebu je anọdu nwẹka anyi, kabẹ tuta ume nwanshị.”

Jisọsu sụ whẹ: “Onye nkfuchiru Chileke bẹ l'aanọje akwabẹ ugvu l'ẹka lile ọdo, ta agụfulekwa iya whọ lẹ mkpụkpu ọ nọdu vuta mẹe l'ikfu iya mẹe l'ibe nkiya.”

O shi l'ụgbo ono fụta, ọ bya awhụa igweligwe madzụ gẹ whẹ dọru l'ẹka ono. Imiko whẹ dụ iya shii nkele whẹ dụlewhoo g'ọo igwe atụru l'ete enwee onye nche l'eleta whẹ ẹnya. O zhilahaa whẹ iwhe ha l'igweligwe.

Ọ bụru iya meru tọ dụhewaro iwhe dụ biribiri ọdo Jisọsu mebaaru l'ẹka ono, ta agụfulewho l'o byiru ụmadzu olemole ẹhu l'eme ẹka, whẹ mehukota. Ọ dụ iya biribiri lẹ whẹ te ekwetadu nkiya. Ọo ya bụ, ọ tụgbua tsoru mkpụkpu lẹ mkpụkpu ọdo zhilahaa okfu Chileke.

Ọ bya achịta ishi buredi ise ono mẹe ẹma labọ ono, bya apalia ẹnya imeli kele Chileke ekele nri ono. Ọ bya anyawashịa ya nụ ndu l'etso ụzo iya tẹ whẹ dobe iya l'iwhu igwe ndu ono. O kedzuru ndu ono gẹ whẹ ha ẹma labọ ono. Whẹ tụko gẹ whẹ ha rijishikota ẹwho. Whẹ bya atụtua ibiribe iya ọwhu e riwhodoru o ji nkata-ivu iri l'ẹbo.