Popular Bible Verses from Mbụlembu 35

Share

Chileke sụ iya: “Ọo mbẹdua bụ Chileke, bụ Ọkalibe-kakọta-ike. Je azụ̀a azụ̀zù ha l'igweligwe l'ọnogu. Ịi-nwụta ndu l'a-bụ mba ẹka whẹ; gụ anwụtakwawho ikpoto mba. Ndu eze l'e-shi ghu l'ẹhu fụta. Alị ono, mu nụru Ébirihamu mẹe Áyiziku bẹ mu l'a-nụkwa ghu whọ; mu anụkwa iya whọ ẹpa ghu, bụ ndu l'etso ghu l'azụ.”

Unu agbalihu t'anyi jeshia Bẹtelu. Ẹka ono bẹ mu l'a-tụru Chileke ẹnya-mgbẹja, mbụ onye ono nụru olu mu nteke ono, mu nọ l'awhụ, bya abụru onye, nọdu swiru mu nụ l'ẹka lile, mu jekotaru.”

Chileke bẹ sụru iya: “Ẹwha ghu bụ Jékọpu, ọle ẹwha ghu ta abụhedu Jékọpu ọdo. Iwhe ẹwha ghu l'a-bụru bụ Ízurẹlu.” Ọo ya bụ, Chileke gụa ya Ízurẹlu.

Tọ dụ iya bụ, Jékọpu bya asụ ndibe iya mẹe ndu lile, whẹ l'iya bu: “Unu wofugezhia ọgvu ndu ọha ọdo, unu gude; unu asafụkota onwunu mmerwu l'ẹhu; unu agbanweshia uwe unu.

O noo ya, Chileke bya asụ Jékọpu: “Kwalita lashia Bẹtelu je eburu. I -rwua ẹka ono, tụaru mụbe Chileke ẹnya-mgbẹja, mbụ Chileke ono byakfutaru ghu nụ l'ẹka ono nteke l'ịigbarụ nwune ghu Ịso ọso.”

Ume gabẹ ẹka agvụ iya agvụ; l'ọonwuhu anwụhu; ọ gụa nwa iya ono Benoni. E megee; nna iya gụa ya Bénjaminu.