Popular Bible Verses from Zhenɛsi 27

Share

Yɛnŋɛlɛ sa fɔɔngɔ ŋga ki maa yinrigi wa naayeri na wuun ki kan ma yeri, li tara ti yarijɛndɛ ti kan ma yeri! Li yarilire nda pe yinri bile to naa duvɛn fɔnŋɔ kan ma yeri lɛgɛrɛ! Tara woolo paa tunŋgo piin ma kan, konaa cɛngɛlɛ kaa fɔli kaa ma kaan! Ma cɛn ma nɔsepiile pe go na, paa fɔli paa ma kaan. Lere ŋa kɔɔn daŋga, daŋga mbe wo yigi; lere ŋa ka duwaw pye ma kan, wo mbe duwaw ta.»

A Ezawu wì sho fɔ: «Jaga wi Zhakɔbu mɛgɛ kì yala wi ni, ki kɔrɔ wo yɛn: Lere ŋa wi maa leele fanla, katugu wìlan fanla fanlasaga shyɛn. Wìla keli mala lelɛwɛ tɔnli wi shɔ na yeri, kooŋga wì nuru ma duwaw ŋa wi jɛn na pye na woo wi shɔ na yeri.» A Ezawu wì sho naa fɔ: «Duwaw wa si koro wa ma yeri naa ma pye na kan?»

A wi to Izaki wì suu yɔn sogo ma yo fɔ: Wele, tara ti yarijɛndɛ to naa fɔɔngɔ ŋga ki maa yinrigi wa naayeri na tuun tara, ti yaa pye mbe lali ma ni. Ma yaa kaa ma yɔn suro ti taa ma tokobi wo fanŋga na. Ma yaa kaa kulowo piin ma jɔnlɔ wi kan. Ɛɛn fɔ, ma yaa ka koro ma yɛɛ na, mbaa yanri la toro, mbɔɔn yɛɛ shɔ wi kulowo mba wi yaa taga ma na pi ni.

A Ezawu wì suu to wi pye fɔ: «Baba, duwaw nuŋgba ŋa wo wi yɛn wa mboro yeri. Baba, duwaw wa pye na kan fun.» A Ezawu wi nɛɛ gbele ŋgbanga.