Popular Bible Verses from Markus 6

Share

Bemat pyak ba sé vɛ̀sɛ, ko ba sé kyesem, ko Yɛsu na bemât masâ fwom mɛ ba tɔk sɛ̀ jeng rê pyɛ́ wɛt. Yaga ano, a yang ɛn, “Tik na wot a sogo vɔk e dem hak de wot ê sè nju mot, na yin a pɔnglɔ tyɔng.”

Ko Yɛsu a yang ɛn, “Bemât mwa be nɔngɔ̂s zarap Dagwi nerey; sɛ̌ bemât repomo mɛ, na cáng mɛ, tanga belɔ mɛ be nɔngɔs hɛ nerey wɛt.”

Jeng de Yɛsu a nusu yi e dwa-nshi mo, a di gbɔng regyɛng bemat, ko a wok nemwishish mɛn, yaga yɛn a sé sede vyēl de ya vɔk lwek wɛt. Ko a hwo basa a yɛn pyɛ́ pyak.

A tɔk ra pyɛ̂ bes e repomô lɔ mɛ yɛt wɛt, ko a tɛ̀ vɔ mɛ e ra bemât serɔ tyɔng zɔng, na a tɛ̀ ɛn tyang. A langat hɛ sizɔng, yaga yɛn a tɛ̀ gap mɛn e ra yɛ wɛt. E bama mo, Yɛsu a kyě kyè e ji nebapomo, a kyě basa a bemat.

Ano, Yɛsu a jut bagat kpam-tuk vane batungun tanga betɔk beba, a tɛ̀ bayis mɛ vɔk e lagwi, ko a feng a Dagwi yaga pyɛ́ mo. A hwo kwɔrɔs bagat o, ko a nɔ̂ng bemât masâ fwom mɛ, na be gas a bemat. A to nɔng ɛn betɔk beba na yɛn a gas a yɛn arɔng. Yɛn mwa ba re, ba siris. Bwang o gwa pɔl, ko bemât masâ fwom mɛ ba sila sháp kuru na yɛ bya na cɛ̂k kpam-tuk tanga cɛ̂k betɔk.