Popular Bible Verses from Matayus 24

Share

Yaga bemat beves ba rɔda sè pyak sizɔng, bwarwêy bemat ba rɔda tik nà tɛ̀ yey na bemɛn ding-ding. Ko ba rɔda ba sey mwat de a niri vɔk e yɛnɛ mo.

Ko ba rɔda ba shara Yɛgɛt Yat yemo de ya sé e ra Segwɔm Dagwi e yɛnɛ̂ jêy mwa, yaga na yére bemasî mwa ye tɔk wok yɛ̄. E bama mo, jeng ye yɛnɛ mo ya rɔda vey.”

Yin kwon vo yey wɛt jeng de yin a rɔda ba wok rehâ tô como bagat kɛ yikyik ayi. Gbing-gbing na pyɛ́ yane ye ba té, ko jeng ye yɛnɛ mo ya ga vey e ngyen wɛt.

Yére bemat jey ya rɔda ba tó como na bemɛn, ko yere arɔng ya rɔda ba tó como na yere cak. Vyong ya rɔda ba sè, ko vwel ha rɔda ba digis e nekwɔn detidetu. Mwa pyɛ́ yemo ya sé sede mɛsɛ̂ng rûs tɔ́.

Jey tanga lagwi ba rɔda ba tala hɛn, ko reha hom ra rɔda ba tala hɛ ko tyɔng wɛt.”

Yaga bemat pyak ba rɔda ba vey e ji reza hom, ko kawɛ e ji mɛn ê ba ye, yɛ a sé Mwat de Dagwi a kasa na a sey bemat. Ko yɛn ê ba tɛ̀ bemat pyak be vuru gwong.

“Ba rɔda ba vos in, ko bê ba nása hin e vɔ bemat na be tak a yin reyɔm, na be mɔbɔs hin. Mwa yére bemasi ya rɔda bɛɛ hin ves, yaga yin e raa me. E jeng o, bemat pyak ba rɔda ba tik raà Dagwi, yɛn a rɔda ba row bemɛn e vɔ bemat, ko yɛn ê to bɛɛ bemɛn ves. E jeng o arɔng, bezarap Dagwi vê bɔs pyak ba rɔda ba nunus, ko yɛn ê ba tɛ̀sɛ bemat pyak be vuru gwong.

Yɛsu a toyo a yɛn, a yang ɛn, “Tē in naka, mwat hwak a kwon kwɛlɛng hin wɛt!

Yaga ano, yin arɔng, sangal hin e yong in, yaga Me de ma tɛ́ me mwat ma rɔda ba vey e jeng de yin ê sè gyeng vey hom wɛt.”

“Bɛrɛng hin nekanang kwong, yaga yin a tɔk tuk de Darwey min a rɔda ba pom wɛt.

“Vit a mwat de a tɔk tuk o na jeng o, kɛ betom-lagwi kɛ Hwêy Dagwi, sɛ̌ Da nju mɛ zɔng de a tɔk.

Yaga bemât bɔs de be tē, yɛn a sé vemo de Dagwi a kasa, tanga bezarap Dagwi vê bɔs ba rɔda ba nusu. Yɛn ê ba ra gbɔng pyɛ̂ bes, ko bê to ba dúsa pyɛ́ de bemat ba rɔda ba langat hɛn, yaga na be kwɛlsɛng mɛ̀ vemo de Dagwi a ga kasa, ka sede yɛn ê tɔk ra ano.

Sede remo de à sè e jeng Nowa, a rɔda ba sè ano jeng de Me de ma tɛ́ me mwat mê ba vey arɔng. Yaga e jeng Nowa mo, gyam na tɛmɛ-nshi ne vey, bemat o bà re, ko bà sɔ, beras bà vos beha, ko beha arɔng bà kyese neweneng sɛ̌ tuk de Nowa à yel e ji gbɔng dwa-nshi. Yɛn à kana tɔk pyɛ de ya sé té wɛt sɛ̌ jeng de tɛmɛ-nshi na vey wey na yɛn mwa. A rɔda ba sè ano jeng de Me de ma tɛ́ me mwat ma rɔda ba vey.