Popular Bible Verses from Matayus 11

Share

“Vey in na me, mwa hin de yin a sé gbɛrɛk, ko pyɛ́ min ya dal in dirik; mê nɔng in pɔngɔ.

Wuna hin na me, na me dura a yin gwong, na yin a masa yi na me, yaga ma sé hywɛ, ko me dyɛng to hom naka, ko yin a rɔda sɛ̀ pɔngɔ yaga neyey min.

Yaga gwong de me simo yin a kwey ɛ̀ gwa sé gbang wɛt, ko swesêk vɔk berɔndɔng de me tɛ̀ e ra yin gwa sé begelek.”

“Da hom a ga tɛ̀ pyɛ̂ mwa e vɔ hom. Vit a mwat de a tɔk Hwey o sɛ̌ Dâ hɛ zɔng, ko vit a mwat de a tɔk Da mo sɛ̌ Hwey o zɔng tanga vemo de Hwey o ha simo na he dura a yɛn Da mo.”

Yɛsu a toyo a yɛn, a yang ɛn, “Tō in vɔk na Yohana, na yin a wɔ̀ ha a yɛ pyɛ́ de yin e wokos na yēmo de yin e bɛrɛng wɔgɔ: Bebók be tɔk bɛrɛng jey, ko bemat nà bol be tɔk kyè; ba sé tɛ̀ bekparong tyang, ko bekpey be tɔk wok há; ba sé sensa vemo de ba ga kushu, ko ba sé basa a bepɛng Yɛgɛt Yat.

Mwat de a vɔk betong, tik na yɛ a wok!