Popular Bible Verses from Malaki 3

Share

Vey in na pyɔlɔ min mwa e begban hom, yaga na be sɛ̀ pyɛ́ shɛrɛk e Gbɔng Duk Re Fongol hom. Dagwi Darwey, Dâ Jey Mwa a ye, ‘Mara me hin e gwong gwomo, na yin a di kɛ mê tik nà wuma bagbɔng bapɔk lagwi, na me shushu a yin pyɛ́ ryat sizɔng, de yin ê sɛ̀ kwɔ̂n tîk yɛ wɛt!’

Ma rɔda dul rawal nà re pyɛ̂ hiri min, ko cɔ́gɔt anap min ya rɔda tik nà mara wɛt. Ano mwa yére jey ya rɔda yila hin a vê wɛng, yaga vwel min ha rɔda sè kwɔ̂n sangal rat. Me Dagwi Darwey, Dâ Jey Mwa ma ye ano.”

Dagwi Darwey, Dâ Jey Mwa a ye, “Yɛn a rɔda sè bemat hom. E tuk de ma rɔda ba ra pyɛ cak, yɛn a rɔda ba sè bemat hom vê tó hom. Ma rɔda tosho reyɔm mɛn sede remo de da e tosho reyɔ̂m hwey de he ra a yɛ fwom. Ano arɔng, bemat hom ba rɔda di nedetû pyɛ́ de ye té na vemo de ba sé cik e bayîs Dagwi na vê ragas neves; bemat hom ba rɔda di nedetû vemo de be ra a Dagwi fwom na vemo de be ra a yɛ gwɛ wɛt.”

Dagwi Darwey, Dâ Jey Mwa a ye, “Di, ma sé tomo tom hom na a yong gwong gyam na me vey, ko Darwey de yin e jama a rɔda vey gobok e Gbɔng Duk Re Fongol mɛ. Tom de yin e simo yin di tyɔng wɛt, a rɔda vey, ko a shara rehâ wuna-na-sira hom na yin.”