Popular Bible Verses from Luka 3

Share

E jeng de bá sè tɛ̀sɛ a bemât mwa batisma, Yohana a tɛ̀ a Yɛsu batisma arɔng. Ko jeng de Yɛsu a sé ra won, lagwi wa wunta hɛ, ko Gabik Jɛrɛ de ha jut rebek sede gwobɔp ha gyirik, ha hwo e ra yɛ. Ko fwɔ gwa yi e lagwi, gwa ye, “Hwà sé Hwêy yey hom, yey hom ya pɛngɛ na hwo sizɔng.”

Ko Yohana a yang ɛn mwa, “Me, me tɛ̀sɛ a yin batisma na nshi, ko womo de e kyè vey a dal me na reto. Ma ka vey na me viri batsɛ̂p bekpatak mɛ wɛt. Ko yɛ a rɔda tɛ̀sɛ a yin batisma na Gabik Jɛrɛ tanga kya.

Rá in yerê tomong de be dura, yin a ga doyo yi e banɛn min. Yin hwo tâng bemin wɛt wɔgɔ, ‘Abraham a sé dâ beda mot.’ Yaga ma sé ha a yin, Dagwi a vɔk reto na a tɛ̀ beta vemo be tɛ́ ɛn nèy Abraham!

Ba ga kana tɛ̀ nû tyem e batîn cɔ́gɔt. Ko kayɛ cɔgɔt de ya tɔs nèy nerat wɛt, ba rɔda tow yɛ, na be bomo yɛ e ji kya.”

Sede remo de Yɛshaya, zarap Dagwi, à kana jɛk e bwok-basa mɛ pyɛ de Dagwi à ha wɔgɔ, “Be wok fwɔ̂ mwat hwak de gwo mok e hey, gwo tē, ‘Yóng in a Darwey gwong, tɛ̀ in gwɛ tas, na a bin kwey ɛ̀! Ba rɔda sila kawɛ nɛk, ko bê gangas kawɛ raku na rahwol. Gwòng de ba tē rɛ̌t, bê tɛ̀ vɛ cik, ko gwòng de ba sé ves, bê tɛ̀ vɛ, be tɛ́ ɛn tɛ́l. Ko mwa yére bemasi yê di gwong de Dagwi e sey nekên bemat.’ ”