Popular Bible Verses from Luka 18

Share

E bama mo, Yɛsu a hwo ha a bemât masâ fwom mɛ gwɔrɔ-há, na a dura a yɛn, yɛn a dopse ra won, ko yɛn a ye waa wɛt.

Ko sɛ̌ Dagwi a rɔda gas a vemo de yɛ a ga kasa shɔt, vemo de be dopse tosho nagwi na nabwalak, na yɛ a sɛlɛ hɛn wɛt arɛt? A rɔda sè lɔ̀ɔ e ra sɛlɛ hɛn arɛt? Ma sé ha a yin, a rɔda gas a yɛn shɔt ziri na a sɛlɛ hɛn. Ko sɛ̌ jeng de Me de ma tɛ́ me mwat me ba vɛ̄ me, mê sɛ̀ bemat e jey de yɛn a sey tsak o na me arɛt?”

Yɛsu a yang ɛn, “Pyɛ de bemat be tɔk ra wɛt, Dagwi e tɔk ra.”

E mɛsɛng o, mwât shɔt o a wok ɛ wɛt, ko e bama mo, a ye e yey mɛ, ‘Mwa ano de me wok bengyip Dagwi wɛt, pyɛ hom ya sɛ́ na mwasi arɔng wɛt, ko ma rɔda gas a yɛ shɔt o, yaga a ga shɔk a me yey; ka ano wɛt, ma rɔda ruru na nepyak vɛ́sɛ mɛ.’ ”

Tsak o mwin me ha a yin: Ka sede mwat a sey Dagwi sede hwey wɛt, na Dagwi a re negwɔm e ra yɛ, ko a rɔda ba yel e ji segwɔm o wɛt.”

Ko Yɛsu a yila nèy o vey na yɛ, a ye, “Tík in nèy, na ne vey na me! Yin ro nɛ wɛt, yaga e bemat sede yerê nèy nemo de ba rɔda ba sangal e ji Segwɔm Dagwi.

Ko Yɛsu a yang ɛ, “Bɛrɛng jey! Ba ga tɛ̀ o tyang, yaga hwà tɛ̀ gap mō e ra me wɔgɔ, mê tɔk tɛ̀ o tyang.”

Ko Yɛsu a yang ɛ, “Yaga sɛ́ de hwà yang me, ma sé mwat rwat arɛt? Vit a mwat rwat sɛ̌ Dagwi nju mɛ zɔng.