Popular Bible Verses from Susumo 37

Share

Tuhak, Yɔsɛf a ranas negwi, ko jeng de a ha a begwa mɛ, yɛn a to gwɛ̌ ra repugu mɛ.

Yakɔp a dal na tɛ̂ yey na yɛ e ra bwâng nèy mɛ, yaga á sè hwêy kwopa mɛ. A tɛ̀ ba lɔk a yɛ gworugu de begwɔ̀m be tɛ̀sɛ.

Jeng de begwa mɛ ba di, da mɛn a tɛ̀ yey na Yɔsɛf a dal bwang mɛn, ko yɛn a ra repugu mɛ, yɛn a tɔk ha hâ netyang na yɛ wɛt.

Yɔsɛf o a to ranas negwi nehak, a ha a begwa mɛ, “Di, ma ga to ranas negwi nehak, ko e ji nɛ, ma di gwi, na pwɛl, tanga netangacɛn kuru na wɛ gwining ba sé tē a me guduruk.”

Begwa Yɔsɛf ba bɛɛ hɛ ves, ko da mɛ a vɔk pyɛ́ yane mo e ji yey mɛ.

A yang ɛn, “Wok in yerê negwi de ma ranas nɛ: Wot á sè rɔgɔs bakûs alkama e cap. Ko di, kus o nang ha tumal cik, ko bakus o bamin ba gwɔrɔ hɛ, be tē a hɛ guduruk.”

Vey in, na wot mɔrɔ hɛ, ko wot bomo vin o e hwak e ji hes de gwa ga ye jɔng. Ko wot a rɔda ye, a sé e ngyama cak vyes de ya ga re ɛ. Ko wot e de di a yɛ pyɛ negwi mɛ mo!”

Jeng de bejik BeMidyan ba sé kwey, ko begwa Yɔsɛf ba hwɔlɔ hɛ yi e hwes o. Yɛn a row a BeIshmayɛl o hɛ e nû dyām pyɛng kuru baba, ko ba kyè na yɛ vɔk e sevwêl Misra.

Yɛn a yâng bemɛn, “Di, mwât negwi womo mo e kyè vey!

Sede yɛn a kun ɛ, a sè rɔngɔl yikyik, ko yɛn a yong ɛ̀, na be mɔrɔ hɛ.

Yin shushu nemi wɛt! Bomo hin hɛ e hwes gworo e hey, ko de yin tɛ̀ a yɛ ram wɛt.” A ha ano, yaga e simo, na a sey nekên Yɔsɛf, na a bin to toyo na yɛ vɔk na da mɛ.