Popular Bible Verses from Tomong Betom Yɛsu 1

Share

Ko jeng de Gabik Jɛrɛ ha rɔda vey e ra yin, Dagwi ê nɔng in reto, ko yin a rɔda sè bemât nuha hom e ngamo e Yɛrusalɛm, na e mwa sevwêl Yudiya, na e sevwêl Samariya, tanga e neyɛnɛ̂ jêy mwa.”

Yɛsu a toyo a yɛn, a ye, “A sé e Da hom pyɛ mɛ zɔng de a tɛ̀ jeng, kɛ negasi de pyɛ́ yemo yê té. Pyɛ min ya sé na tɔ̂k jeng o wɛt.

E jeng cak de yɛn á sè e dem hining mwa na yɛ, Yɛsu á nɔng ɛn nu, a yang ɛn, “Yin hàla Yɛrusalɛm wɛt; ko gyéng in nɔrɔ de Da hom a sira na a nɔng in. Yin a ga kana wok me ha na yin e ra nɔrɔ mo. Yohana á kana tɛ̀sɛ a bemat batisma na nshi; ko e bamâ nepɔlɔ tyɔng, Dagwi ê tɛ̀ a yin batisma na Gabik Jɛrɛ.”

E bamâ reku mɛ, a dura a yɛn tó mɛ zang pyak e gwong de gwa tɛ̀ ɛn be tɔk tsɛng-tsɛng, a sé kwen mwin. A dura a yɛn tó mɛ e jeng e jeng nepɔlɔ kuru banaas (40), ko a ha a yɛn e ra gwong de Dagwi ê re negwɔm e ra bemat.

E bama de Yɛsu a ha ano, ba jut ɛ vɔk e lagwi e bayis mɛn, ko rele ra bang ɛ, yɛn a to tɔk di ɛ wɛt.

Yɛn a rɔ̌ sɛt bayis mɛn gbir e lagwi jeng de a sé kyè, ko remo-remo, bemat beba de ba tɛ̀ berugu bepɛng ba tumal bagat na yɛn, ba yang ɛn, “À yin bemât Galili, yaga sɛ́ de yin a sé e tumal e ngamo, yin e bɛrɛng lagwi arɛt? Yɛ Yɛsu de ba jut ɛ yi na yin vɔk e lagwi a rɔda to ba vɛ̄ hɛ e gwong gwining de yin a di ɛ a sé kyè vɔk e lagwi.”