Popular Bible Verses from LUKAS 6

Share

Benni, manassa la diben dukakomi. Misa’ sukaran melo tongan ditemme’ rokko nadirodo sama’toppo’na, la diparokko riammi, belanna iatu sukaran mipassukaran tau, ia duka la dipassukarangkomi!

Iatu to melo penaanna, umpasun siami melona dio mai anggenna melona lan lu batu ba’tangna, na iatu to kadake penaanna, umpasun siami kadakena dio mai anggenna kadakena lan lu batu ba’tangna. Belanna kala’biammira diong penaa anna sun dio puduk.

Sangadinna la miala mase tu to unna’tangkomi; pogau’komi kameloan, da mititumbui umpaindanni solami, nakapua tu serongmi, anna anakkomi Puang Patodoranna, belanna, Ia ungkasokanni to tang ma’kurre sumanga’ lako Kalena sia to masua-sua.

Iamoto dadi mamasekomi, susi Ambe’mi sumpu mamase.

Da mipasala tau, manassa tae’ mila dipasala, da mima’paro’pokki pangra’ta’, manassa tae’ mila diparo’pokki pangra’ta’. Rampananni, manassa la dirampanangkomi.

Apa den kadangKu mati’, tu ma’peranginna: Ala masei tu ualimmi; pogau’komi melona lako to ungkabiri’komi; palakuanni kamarampasan tu to unggataikomi; passambayanganni tu to umpakario-riokomi.

Susitu miporainna la napogau’ tau lako kalemi, susi dukato la mipogau’ lako.

Sia iatu tau ussala’pa popomu, patadoan pissanni tu sangbalinna sia iatu tau unnalaiko sambu’mu, da duka mugagai unnalai tu bayummu. Benni minda-minda malaku lako kalemu, sia iatu tau unnala apa-apammu, da mupalakui sule.

Belanna tae’ tu kayu melo umpasun bua kadake, sia tae’ duka tu kayu kadake umpasun bua melo.

Apa mintu’na kayu buanna dinii untandai. Belanna tae’ naala tau bua ara dio mai oto’ duri ba’tu dio mai oto’ a’da’ tae’ naala tau bua anggoro’.