Popular Bible Verses from LUKAS 23

Share

Massambayangmi Yesu, Nakua: O Ambe’, pagarri’i te mai tau, belanna tae’ naissanni tu apa napogau’. Nasire’tekkimi tu pakeanNa kumua ba’tu umbannai umpotaai.

Nakuami Yesu lako: Nakua kadangKu mati’: Manassa ia bangsiamote allo iate, anta sisola lan inan kamanamanan.

Nakuami lako Yesu: O Puang, kilalaina’ dikka’, ke tamaKomi ParentaMi!

Metambami tu Yesu umpemandui gamaranNa, nakua: O Ambe’, Kusorong lako Kalemi tu penaangKu. Iatonna mangkamo ma’kada susito, sinoemi penaa.

Iatonna rampomo lako to’ inan disanga Kararo ulu, naa’ta’mi tu Yesu dio sia iatu to kadake da’dua, misa’ dio kananNa na misa’ dio kairinNa.

Umbai agi-agi te’te’ sangpulo dua ma’tangnga allo, malillinmi tu mintu’ padang inde to dio sae lako te’te’ tallu makaroen, belanna malillin tu allo sia iatu kulambu Banua Kabusungan tipa’dua.

Iatonna tiromi tinde kamandang ungkapalai surodadu saratu’ tu apa mangka dadi, umpakarayami Puang Matua, nakua: Manassa Iamo misa’ To ma’bulo sanglampa te!