Popular Bible Verses from TO PARENGNGE’ 16

Share

Ma’kadami tu Delila lako nakua: E Simson, nalaoimokomi to Filistin! Pana’dingmi sia ma’tangnga’ nakua: Susito lendu’na la tassu’na’ sia ussintakna’ kaleku; apa tae’pa natandai kumua soro’mo tu PUANG dio mai kalena.

Attu iato metambami tu Simson lako PUANG sia ma’kada nakua: O Puangku PUANG, kilalaina’, amMi pamatoto’na’ te pissan, o Puang Matua, angku pabala’i te pissan tu gau’na to Filistin diona te matangku patomali.

Napasomboan nasangmi tu mintu’ lanna penaanna nama’kada nakua: Tae’ bangpa nadiku’ku’i tu ulungku, belanna tempon lan mai pa’tambukanna indo’ku akumo nasirinNa Puang Matua. Iake diku’ku’i tu ulungku, manassa iatu kamatotorangku la soro’ dio mai kaleku, angku langga’ susito senga’.

Iatonna paruku-rukumi ungkutanai sia napapussak, iamoto namasussa susito la bonno’.

Ma’kadami tu Simson nakua: Da’ito angku mate sola te mai to Filistin. Malimukku tonganmi undudangi tu banua iato, nasongkai tu mintu’ arung dio lu kota sia mintu’ to buda lan. Iatu tau mate tu napatei tonna mateanni mandu buda na iatu to napatei tonna tuopa.