Popular Bible Verses from KADADIAN 8

Share

Kendekmi busarungngu’na langan PUANG, anNa ma’kada lan penaanNa, kumua: Tae’mo angKu la untampakki ropu tu lino diona tolino, belanna tempon dio mai bitti’na kelok tu karangan inaanna, sia tae’mo angKu sabu’i pole’i tu angge menono’, susitu mangkanna Kupogau’. Iake tontongpi den tu lino, tae’mo anna la ka’tu tu pangamboran sia peparean, madingin na malassu, pealloan na palauran, allo na bongi!

Nagaragami Nuh tu misa’ inan pemalaran nanii memala’ lako PUANG, anna alai dio mai mintu’ patuoan tang dipemalianna sia manuk-manuk tang dipemalianna anna pemalaran pantunu pu’pu’ dao inan pemalaran iato.

Nasusito Nakilalaimi Puang Matua tu Nuh sia mintu’ olo’-olo’ marira sia mintu’ patuoan tu nasolan lan lembang; Napopangiri’i Puang Matua tu angin lan lino, namere tu uai.

Suleomi tu bu’ku’ iato tonna makaroen. Denmi dio tillokna tu sanglamba’ daun sa’pek natotokki dio mai garonto’ saitun, iamoto anna issanni Nuh kumua meremo tu uai lan mai lino.