Popular Bible Verses from EFESUS 2

Share

Belanna kita te panampaNaki’, Napadadiki’ lan Kristus Yesu la umpogau’ kameloan, tu Naparandan dolomo Puang Matua, kumua anta karitutui tu mintu’nato.

Belanna tete dio kamaturu-turuan iato ammi dikarimmanni diona kapatonganan, anna iatu iannato tangia tuo dio mai kalemi, sangadinna pa’kamaseanNa Puang Matua, sia tangia tuo dio penggauran, kumua da naden misa’ tau ussattuan kalena.

Apa Puang Matua tu sumpu mamase, tu belanna kapua pa’kaboro’Na Nakamaseangki’, tonta mate diona kasalan, Napatuomiki’ sola Kristus – anna tete dio pa’kamasean, minii dipamakarimman –

sia lan Kristus Yesu Nanii mangka umpamalimbangunki’ sola sia Napanno’ko’ki’ sola dao bamba suruga

Nasusito tae’mo mitosae sia to mentiruran, sangadinna sangtondokmokomi tu mai to masallo’ sia sikurinmokomi lan banuanNa Puang Matua, tu dibangun dao parandangan naparokko mintu’ rasulu’ sia nabi, na iatu batu petaunna iamotu Kristus Yesu.