Popular Bible Verses from 1 YOHANES 2

Share

Da mikamali’i tu lino ba’tu apa lan lino. Iake denni misa’ tau ungkamali’i te lino, manassa tae’ pa’kaboro’Na Puang Matua lan tau iato. Belanna mintu’na tu lan lino, iamotu kamailuan pa’kalean, kamailuan mata, sia kasolleran, tae’ nalu dio mai Ambe’, sangadinna lu dio mai lino.

Lino iate la lanna’ sola mintu’ kamaballoanna, apa iatu to umpogau’ pa’poraianNa Puang Matua tontong sae lakona.

Iatu to ussanga kalena torro lan Puang sipato’ ia la umpalolang kalena susi Kristus mangkamo umpalolang Kalena.

E anakku, ia sia kusurasangkomi te, dikua da mipogau’ kasalan. Na iake denni misa’ tau umpogau’ kasalan, den kita tu Pa’bisaranta lako Ambe’, iamo Yesu Kristus, To malambu’

Iatu to ma’kada kumua: Kutandaimo, apa tae’ nakaritutui tu parentaNa, iamoto mo’rang, sia tae’ kamanapparan dio kalena.

Dionamote taissanni kumua tatandaimo, iake takaritutui tu parentaNa.

Minda-minda tu ussanga kalena lan masiangna, apa ungkabiri’ siulu’na, iamo tontong lan malillinna sae lako totemo.

Mindara tu to mo’rang, ke tang to umpeonganni Yesu, kumua tangia Kristus? Na iatu to umpeonganni Ambe’ sia Anak, iamoto tu uali Kristus.

Minda-minda umpeonganni Anak, tae’ duka anna poAmbe’i tu Puang Matua, apa iatu to unnaku Anak, napoAmbe’ tu Puang Matua.