Popular Bible Verses from Luk 6

Share

Ìkiche inu ìnyi ene, ke Awaji môkiche inu inyi enyi si. Awaji isiboche inu inyi enyi, ìbotọtọ ijot, mè ikeme itap, mè isisik, inyi inin̄ inwaan̄, mè ikpọk itap si, inyi ijot ibene, mè ifiin̄, sabum ìboniben igwook itap enyi me ubọk. Mije, inu enyi esabe itọ inyi ene ke Awaji obosa itọ si inyi enyi.”

Ikeya si, ata ene ìkirọ ata inu inan̄a me lek ata ekiket eyi òkup me emen ejit kan̄. Ogwu ijo ene ìkirọ ijo inu inan̄a me lek ijo ekiket eyi òkup me emen ejit kan̄. Eya orọ, ene ìkitumu ikọ igọọk me lek inu òjojot ọmọ me ejit.”

Ire, emi m̀be enyi, ìma ebi ochicha kinyi, mè ìkirọ ata inu ìnyi ema. Ìkifọọk inu ìnyi ene, mè ikakpọ chieen̄ iyayaka ibọkọ useen̄. Mgbọ enyi isikirọ ikeya, mkpukpe kinyi mômin enenen. Enyi mêre bọn Awaji Ogwu Òbebene Ichit. Mije, Awaji îkirọ ata inu inyi ebi ikpak, mè ebi ata inu geelek erọbe inyi ìkakinin̄ chieen̄.

Eya orọ, ìkirọ ene nsan ike Nte kinyi okirọ ene nsan.

“Ikakifieek ene ikọ, inyi Awaji ikafieek enyi ikọ si. Ikakitip ene oyerebet, inyi Awaji ikatip enyi oyerebet si. Ikaan̄ ebi irọ enyi ijo inu, ìtele ìnyi ife cha, ke Awaji si môtele ijo kinyi inyi enyi.

Jisọs onenitumu si ibe, “Enyi ebi ìkigban̄ ikọ n̄a mgbọ keyi, m̀be enyi, ìma ebi ochicha kinyi, mè ìkirọ ata inu ìnyi ebi geelek ìchacha enyi. Ìgbana ebi geelek ìgbogbo enyi, mè ìriaak uriaak me ibot ebi geelek ìrọrọ ikeme enyi.

Ikaan̄ inu oweekbe ibe ene irọ inyi owu, rọ si ikeya nyi ene.

Ire ikaan̄ ogwu isulu owu ada me agba isi ge, kana agan̄ keyilọ nyi ene ya isulu si. Ire ene ibọkọ owu àwurukù inyọn̄ kwun̄, kakput ene ya, tele mè ibọkọ àwurukù irak kwun̄ si igbaalek. Ikaan̄ ogwu ibeek owu inu, nyi. Ikaan̄ ogwu imọnọ inu kwun̄, kasi ìdo ibe iyaka inyi owu.

“Ata uti ìkakito ijo mfut. Ikeya si, ijo uti ìkakito ata mfut.

Ekisa mfut uti iriọọn̄ lek uti. Kpekigbeme mfut figi me lek ukpak. Kpekigbeme si mfut gerep me lek uti abọm egbe.