Popular Bible Verses from Luk 14

Share

“Ire ikaan̄ ogwu inu me lek n̄a, ene ya ìkpokọt ire ogwu udun̄ n̄a îtata ìmama emi enenen igak ubọk îmabe nte kan̄ mè nga kan̄, mè nwa kan̄ mè bọn kan̄, mè ngwan̄ kan̄ enerieen̄ mè ngwan̄ kan̄ enenwaan̄. Eyi ògagak otutuuk, ire ene ya ìkama emi ìgak ugwem kan̄, ene ya ìkagbe irere ogwu udun̄ n̄a.

Ofifi si, ikaan̄ ogwu ikabenge uti nkwurieen̄ kan̄ ìsa ìgọọk emi, ene ya ìkpokọt ire ogwu udun̄ n̄a.

Mije, ene geelek òbebene lek kan̄, mêgele ene ya isiki. Ene geelek òsisiki lek kan̄ me ijọn̄, mêbene ene ya ifo inyọn̄.”

Ikeya si, ene geelek me etete kinyi ogwu ìkatele otutuuk inu geelek îkaan̄be, ene ya ìkpokọt ire ogwu udun̄ n̄a.”

“Ire ene geelek me etete kinyi ibonama ubene ubene uwu inyọn̄, sabum ene ya obobene inama uwu ya, ìbodadasi isiki ikweek ifuk otu ifuk ikpoko uwu ya oboben, mè ikpọ-nu mè ìre ọmọ îkaan̄ ikpoko iso isasa inama uwu ya isan̄a, mè ìre ọmọ ìkakaan̄. Mije, ire ene ya ìkadasi ìfuk ifuk-ibot ikeya, mè ire ikpọkpọ isi itap uwu ya me ijọn̄, mè ibene ikinama, mè ìkakọt ìnama uwu ya ìsan̄a, ebi geelek ìmumun̄ mgbidim ebek uwu ya mêkichak ene ya itap ebot. Mêkitumu ibe, ‘Omun̄, ene yilọ îtap uwu me ijọn̄, ìkakọt ìnama ìsan̄a.’

Kpan̄asi ikeya, ire oto ijọk, gwen ebi ugbọọn̄, mè ebi ngọm, mè ebi akọọk, mè ebi ǹnàan̄. Osirọ ikeya, Awaji môgbana owu. Mije, ubọk geelek ife cha kpebekọt ikpe owu useen̄ inorie ema eriebe me uwu kwun̄, Awaji mônyi owu useen̄ mkpukpe kwun̄ me mgbọ ebi ata irọrọ mêjomobe me mkpa.”

Jisọs onenitumu ibe, “Me atikọ, uchi înwọn. Ire, ire uchi ifiin̄ utop kan̄, kpunu ubọk ebeyaka ikọt irọ mè ikaan̄ utop kan̄. Eya orọ, uchi ya ìkayaka ìnwọn isasa irọ inu geege. Ire iben igwook me ijọn̄, ìkpokọt itap ubọk irọ mè ijọn̄ itibi inu ijaan̄. Inu òkukup irọrọ me lek uchi ya ìre ibeben ifiin̄. Ogwu ikaan̄ utọn̄ isasa inọ ikọ, inọ!”