Popular Bible Verses from Luk 11

Share

Ire enyi ebi ijo irọrọ iriọọn̄ ubọk ekinyi bọn kinyi ata inu, ìre enyi kpefat ikeek ibe ke Nte kinyi ogwu òkup me emen inyọn̄ môria Ekwukwu Mbuban inyi ene geelek òbebeek ọmọ?”

“Ikeya si, ǹkibe enyi: Ìbeek, ke mênyi enyi. Ìweek, ke enyi mêweek imun̄. Ìtọbọ ubọk me isotu, ke mêgwuku inyi enyi.

Mije, ogwu ibeek, môbọkọ inu îbeekbe. Ogwu iweek, môweek imun̄. Ogwu itọbọ ubọk me isotu, mêgwuku inyi.

Jisọs onenitumu inyi ema ibe, “Enyi isiberiaak uriaak, ikeyi ke enyi mêkiriaak: “Nte kiji, erieen̄ kwun̄ ikup mbuban. Mkpulu kwun̄ inu.

Tele ijo kiji nyi eji, kubọk eji ekitele inyi ebi ìrọrọ eji ilọ. Kachieek ibe eji enin̄ me ntọ-mkpọ.”

Nyi eji inorie usen geelek, kubọk okinyi eji me usen me usen.

Chieen̄ kwun̄, ọmọ ore mkpukan̄ inyi akpalek kwun̄. Ire kpunu inu geege òkwekwek owu chieen̄, otutuuk lek kwun̄ ìbokup me utoon̄, kpunu inu geege owu òkpokọt imọọn̄. Ire, ire ikaan̄ inu òkwekwek owu chieen̄, otutuuk lek kwun̄ ìbokup me emen ikpele udun.

“Kpunu ogwu òkimin mkpukan̄, mè iben isi iyik me ere òlelet, mè ìre isa okwa ikana ichit. Kpan̄asi ikeya, ìboben itoon̄ me otu ngugọọn̄, inyi ebi geelek ìninin̄ uwu ya ekesa utoon̄ kan̄ emọọn̄ inu.