Popular Bible Verses from Jọn 16

Share

“Eya orọ, ǹkitumu ikọ chi inyi enyi, inyi enyi ekup melek n̄a, mè ekaan̄ esuuk, mije, enyi mêmun̄ ufialek me linyọn̄ keyi. Ire, ìkat ejit, mije, emi nra itim ikpan̄ linyọn̄.”

Mgbọ Ekwukwu òkijeen̄ ene atikọ ya isinu, môjeen̄ enyi otutuuk atikọ. Ìkpotumu ikọ eyi ibot kan̄. Îre ikọ înọbe ke ìbotumu. Môtumu si inu òborọ me mgbọ òkup me isi inyi enyi.

Mege inire mgbọ keyi, enyi kpebeek emi inu geege me erieen̄ n̄a. Ìbeek, ke mênyi enyi, inyi unwọọn̄ kinyi ijot.

“Ire, ǹkitumu atikọ inyi enyi, ifofo n̄a ìbosa nnwọn ijet enyi. Mije, ire ǹkanan̄a ìfo, Ogwu Nteme ya ìkponu inigọọk enyi ikup. Ire, ire nnan̄a ifo, mâria ọmọ ijet enyi. Isinu, mônirọ inyi ebi linyọn̄ eriọọn̄ inu ofolek ijo inu, mè ata irọrọ, mè oyerebet eyi Awaji obosibi me ibot ebilene.

Ikeya si ke îkup me lek kinyi. Mgbọ keyi ìre mgbọ ufieejit inyi enyi. Ire, mâyaka ikpọk imun̄ enyi. Mgbọ ya, enyi mênwọọn̄ unwọọn̄, kpunu ene geege òbobọkọ enyi unwọọn̄ kinyi. Me usen ya si, enyi kpebeyaka ido emi inu geege. Me atikọ, ǹkitumu inyi enyi ibe, inu geelek enyi mêbeekbe me erieen̄ n̄a, Nte n̄a môrọ inyi enyi.

Me atikọ, ǹkitumu inyi enyi ibe, mgbọ enyi ebekito ito, mè ikifieek ejit, îre mgbọ keya ke ebi linyọn̄ ebekinwọọn̄ unwọọn̄. Enyi mêkup me ufieejit, ire, ufieejit kinyi môkana unwọọn̄.