Popular Bible Verses from Ibeb 39

Share

Okumugwem okekeke inyi Josefu, mè irọ inyi inu ije ijaan̄ me lek enenen. Josefu okekiluk me uwu nte uwu kan̄ ogwu Ijipiti ya.

Mije keyi, Pọtifa okakana otutuuk inu geelek îkaan̄be itap Josefu me ubọk. Ìkayaka ìkisisaak lek me lek inu geege, ilọ me lek inorie otu gaalek. Josefu îjot isibi me ikeke ebirieen̄, mè ijaan̄ uja.

Ogwu ibot uwu mkpọn ya osasa Josefu irọ ogwu ibot me lek otutuuk ebi mkpọn ìkup me uwu mkpọn ya. Ọmọ si okikpọ chieen̄ me lek otutuuk inu geelek ekirọ me uwu mkpọn ya.

mè itet Josefu inyi etap me uwu mkpọn, ere ekitap ebi mkpọn ogwu Fero. Josefu obabia me uwu mkpọn ya. Okumugwem okekeke inyi Josefu me uwu mkpọn ya, mè ikaan̄ ata ejit me lek kan̄, mè irọ si inyi ogwu ibot uwu mkpọn ya ima ọmọ enenen.

Ike mgbọ okije, nwa nte uwu kan̄ ìkayaka ìkọt ìsan̄a ọmọ chieen̄ me lek. Usen ge, ibebe Josefu, “Na gọọk emi laak.” Josefu ojijit, mè itumu inyi ibe, “Nte uwu n̄a îtoon̄ emi ejit me lek, mè ikana otutuuk inu geelek òkup me uwu yi itap emi me ubọk ibe emi ǹkemkpọ chieen̄ me lek. Isan̄a me lek nte uwu n̄a, kpunu ene geege me uwu yi òmimin kubọk n̄a. Kpunu si inu geege eyi nte uwu n̄a ìkasa ìtap emi me ubọk, ilọ me lek kwun̄ gaalek, mije, owu ìre ogwu nwa. Emi m̀bajeje inirọ inu ikpak òkup ikeya, mè irọ Awaji ijo inu?”

Usen ge, Josefu ojeje inin̄ uwu ibosi irọ ikwaan̄. Mgbọ ya, uwu înọọn̄. Kpunu ebi ikwaan̄ geege me uwu ya. Nwa ogwu ute-uwu ya okakana Josefu itet me lek ofọnti, mè ibe, “Na, na gọọk emi laak.” Ire, Josefu onyinyinyan̄a lek, mè ijene ofọnti kan̄ ibaak ogwu enenwaan̄ ya me ubọk, mè ilibi isibi oyet.