Popular Bible Verses from MATAYO 27

Share

Ye kingo olo po sait sogool, koguurso Jeso eng' tuugeet ne oo kole, “Eli, Eli, lama sabaktani?” Nooto ko, “Kamuktaindet nenyu, Kamuktaindet nenyu, kalya si ibagaakta?”

Ogeero, ki kereer angeet ne ki kioiye Hekaluut koek aeng' kobooch parak agoi ng'wony, ak kobetogis rwandosyek. Ki yaatagis kereeriisyek ak ki king'eet poorwegap piik che chaang' che tiliileen che ki ruitos.

Ki kuurso Jeso kogeny eng' kutit ne oo, ak kogoito saboondanyi.

Ye kingo keer chemogetap kiplugotinik pogol ak icheeget che ki mi kobooto ineendet koriibei Jeso potaneetap ng'wony, ak tuguuk che kayaagiis, koywei miising' ak kole, “Iman Weeriitap Kamuktaindet chiichi.”

Ki imenit anyun emet komugul kong'etee sait lo agoi sait sogool.

Koleenji Pilato, “Alyonji anyun Jeso ne kiguure Kristo?” Kole icheek tugul, “Ingigartaat ineendet!” koteebee koleenji, “Amu nee? Kayai nee ne ya?” Ago ki polyo miising' koleen, “Ingigartaat!”