Popular Bible Verses from MATAYO 2

Share

Ki pa koot oriit ak ki keer lakweet ne ming'in kobooto kamennyi Maria. Ki ing'uruukso eng' teegis kolas ineendet ak kotyach konoraikwak che po kamanuut, ak kogoochi ineendet kagoochinoichooto po thahabu, tuguuk che nyamdut ak tuguuk che uu igomoik.

Ak ye kingo kagesich Jeso eng' Bethlehem ne po Judea eng' peetuusyek che po laitoryat Herod, ogeero, ki pwa Jerusalem piik che ng'oomen kobunu kong'asiis, koteeboti kole, “Mi ano ineendet laitoryatap Yahudik ne ko ki sich? Kogigeer kecheiyandennyi eng' kong'asiis, ak kagibwa kilasu ineendet.”

Ye kingo keer kecheiyat, koboiboitu eng' poiboiyet ne oo miising'.

Ak ko uu ye kiga kiteechi eng' karwotitoet keleenji amoweekyigei Herod, konam panda koosup ooreet age koba emennywa. Ye kingo kagoba icheek, komong'ji `malaikaiyatap Kiptaiyat Joseph eng' karwotitoet ak koleenji, “Ng'eet, imut lakweet ak kamennyi, mwechi Misiri ak itebee olooto agoi tuun amwaun amu cheeng'ei Herod kobar lakweet.”